ليلة القبض على السراج !!

[مونديال6]

السلام عليكم ورحمة الله وبركاته

يتم هذه الأيام تطويق المدعو السراج من جميع الجهات ( شمال وجنوب وشرق وغرب ونسري ومطلع شمس .....)حيث سيتم إزالة هذا الشبح إلى غير رجعة إن شاء الله تعالى ضمن خطة كبرى لإصلاح شوارع الغاط التالفة والمبطنجة .

اللهم لك الحمد والمنة

:stars: :stars:

[الصارم]

يعني صار السراج لهدرجة نشبــــــــــــة

الله لونه دمل

[قناص الغاط]

والله يا أخي مونديال 6 أنك جبتها00 تصدق أني تذكرت لعبة السلم والداب يوم شفت وش مسوين حول الدوار00ولا لعبة الممرات المتعرجة الله يدفع عنا البلاء0000

كنهم متحاجرين بعير يبي يهج00 الله يخلف على عقول المسلمين 00

بالنسبة لي شطبت على الروحة مناك إلى أجل غير مسمى 0000 ربما إلى سنة أوسنتين أوثلاث 00000

الله أعلم متى ينتهي الشغل فيه00

[الشامخ]

الله يبشرك بالخير
والله خطوه زينه واتووقع انها ناجحه
وبانتضار ما يوخرون الشوارع الخربانه..

[القرم]

هلا بالموديال 000

انا اللي مضيق صدري شي واحد 00
يغض النظر الى السلم والداب انهم بدوا فيه صباح الخميس مع ان يوم الجمعة عندهم اجازهـ 00
والى الان لم يحركوا ساكنا(( ليلة السبت))


الله يعين اللي بيروح من شرق شمال الى غرب جنوب باتجاه النادي

والله يعجل به ويخلصون علينا0000

[ابن الغاط]

السلام عليكم

انا الي سمعته

ان شركه المسعد هي الي مطوقه الدوار لتكمله مشروعهم لصرف الصحي

[المتهور]

الله يبشرك بالخير

و عقباال الشوارع الثانيه انشاء الله

و تشكراااتي على هذا الخبر

[الشـمـوخ]

رررررررررررررهيبه ياتسالي
وسع صدرك بس
السراج ماراح يحركونه
مكانك راوح
حفريات مجاري الله يكرمكم
لا أقل ولا أكثر

[القطري]

الشغل تمديد مواصير للصرف
والسراج باقي على قلوبنا

[الخيال]

حلوه ليله القبض على السراج اخوي مونديال 6
اما تعليقي فتجده على هالرابط

http://www.alghat.com/showthread.php?t=1573 (http://www.alghat.com/showthread.php?t=1573)

[الـــنـــادر]

والله بهذلونا بالحفريات ياخي
الحين اللي جاي من بنك الراجحي هذا هين يقدر يروح قدام ويقدر اذا بغى يروحلليمين يطلع مع محطة الجبرين ويروح بس مايقدر يروح يسار كود لازم يروح قدام ويديور مع الاشاره ويجي وثم يلف لليسار
والله الدوامه ههههههههه

تقبل مروري

[الغاط]

تحملوا :motz: :sm79: الحفريات كلها كم شهر:sm286: :sm286: وينتهون

[القطري]

تحملوا :motz: :sm79: الحفريات كلها كم شهر:sm286: :sm286: وينتهون

والله انك صادز كلها كم شهر وينتهون
يعني في حدود 70 شهر الى 100
هانت ما بقى الا القليل

[الـوافـي]

يعطيك العافيه ع الخبريه يا مونديال

[ABOTMEM]

حـــنا لو نفتك ونغير شركة المسعد الي يومها سنة
كان الغاط وش زينها ألحين
لكن ذا البلدية تحسي تسنك تحسي بجدار
إن قدمت اقتراحات وملاحظات قالوا يصير خير
والله ماشفنا الخير دبور والعياذ بالله

[أبوريماس]

بسم الله الرحمن الرحيم

السلام عليكم ورحمة الله وبركاته
الأخوة الأعضاء أطلعت على موضوع ليلة القبض على السراج الذي بداء بتطويقة يوم الخميس الماضي .
أحب أن أوضح لكم الموضوع بالتفصيل تم تطويق دوار السراح يوم الخميس وذلك من قبل شركة المسعد وذلك للأكمال التمديدات المتعلقة بمواسير الصرف الصحي أغزكم الله وذلك لمدة خمسة أيام فقط بعد ذلك سوف يتم فتح السير بالدوار .
أما بخصوص ازالة دوار السراج فسوف تتم الأزالة خلال سنة من قبل شركة الأمير المستلمة لمشروع تطوير وسفلته شوارع الغاط وذلك بعد الأنتهاء من شارع الثلاثين وجزء من الشارع العام مقابل مكتبة الرحمانية .
هذا ماأحببت أن أوضحه لكم وتقبلوا فائق أحترمي وتقديري ,,,, أبو ريماس

[فهد بن سليمان الفوزان]

:xyxthumbs: :xyxthumbs: :xyxthumbs: :xyxthumbs: :xyxthumbs: :xyxthumbs: :xyxthumbs: :xyxthumbs: :xyxthumbs: :xyxthumbs: :safgh: :safgh: :safgh: :safgh: :safgh: :sm109: :sm109: :sm109: :sm109: :sm109: :sm109: :sm109: :sm109: :sm109: :sm109: :sm109:

[مونديال6]

مساكم الله بالنور والسرور
اخواني الأعضاء الكرام :

الصارم - قناص الغاط -الشامخ -القرم -ابن الغاط -المتهور -شموخ -القطري -الخيال -ابونور -الغاط -الوافي -ابوتميم -عبدالإله الفوزان

مروركم العطر هو الذي شرف الموضوع وعطره .

الحقيقة المرة هي :
انهم لعبوا بالدوار لعب وصار الواحد يحسب حسابه من يوم يطلع من بيته وهو يهوجس وين يروح معه ؟ يدور بديل ما يقدر !! والمشكله أيضاً أن موقعه استراتيجي لازم الجميع يمر من عنده .

طبعاً اللي بالرياض ما يدرون عن معاناتنا كودهم يجربون (هههههههههههه).
:stars: :stars:

[القطري]

تصدقون اليوم بغيت اضيع ولا آصل لبيتنا:cry:

[مونديال6]

المبدعين ابو ريماس
وابو عبدالرزاق

شرفنا مروركم العطر

نبي لنا صوره للسراج بعد محاصرته

(تاريخية هههههههههههههههههههه)

[واحد من عيال ابو متعب]

مبرووووووووووووووووووووك بس مل لتوقع صدق<<<وجهت نظر..

مشكووووووووووووووور اخووووووووووووي موووووونديال عالموضوع..

[البراء]

شكرآ يا مونديال6 على هذا الموضوع
انا اقول الله يرحمك يا المهندس الفوزان كلها سنه ونص خدمة فيها بلدية الغاط وقدمت ما قدمه احد من ابناء الغاط او من المحافظة المجاورة لي له ما يقارب ثمان سنوات ما شفنا لي الواسطة لي ربعه في التوظيف
انا اطلب من به شجاعة من موظفي البلدية ان يقدم لنا مقارنة بين المرحوم بإذن الله المهندس الفوزان
ومن سبفه في الرئاسه ومن جاء بعده ولكم جزيل الشكر والتقدير

[قلم بلا قيود]

طيب ليش مايفتحون الي يروح يسار للنادي والمطعم فهمتوا كيف يعني دامه مؤقت الصبات الي حاطينها أذا جيت من الزلفي تدخل يمين قرب الصبات شوي للرصيف وإفتح صبتين بس عشان هالشباب مايسرعون وكذا يصير الي جاي من الزلفي يلف يمين ثم يديور ويكمل طريقة والي جاي من الراجحي يطلع قدام أويمين أويسار والي جاي من النادي يلف يمين ويديور ويكمل الطريق وش رايكم . القطري أنا مهب ضعت عاكست السير والشباب بوجهي (الدوريات)

[البراء]

شكرأ للاخوان في المنتدي على التفاعل ورد السريع
كلكم تذكرون المشاريع الثلاثه دوار السراج ودوار ابا الصلابيخ ودوار النادي كلها انجزت بمجهودات ذاتيه من البلدية باقل من سنه ونص اى في رئاسه المرحوم بإن الله المهندس الفوزان رحمه الله

[yasser.. 20]

يعطيك العافيه اخوي على الخبريه الرائعه ..................

[الشقردي]

ويييين خبريية رائعة اخووي ياسر 20 الا قل الله يكوون في عونا يعني تبي الوااحد يفر الغاط كله عشان يوصل للنادي وانا اقترح عليهم يحطوون دورية 24 ساعة لان ماوودك تصير فيه حوادث من كبار السن وللي مايشووفون محنب ناقصيين..

[فتى الصقطه]

الله يعين بس

[القطري]

مسأله الدوار هانت يا جماعه
كلها 30 شهر وكلش يتصلح
ويمكن يستعينون بشركه ابن لادن لخبرتها في شق الطرق

[panadol]

السلام عليكم ورحمة الله وبركاته

يتم هذه الأيام تطويق المدعو السراج من جميع الجهات ( شمال وجنوب وشرق وغرب ونسري ومطلع شمس .....)حيث سيتم إزالة هذا الشبح إلى غير رجعة إن شاء الله تعالى ضمن خطة كبرى لإصلاح شوارع الغاط التالفة والمبطنجة .

اللهم لك الحمد والمنة


:stars: :stars:

مستانسين على بالي شفت عنوان الموضوع قلت ماسكين هندي مسوي شي خطير خبركم هالعمال صاروا هالايام بالاخبار مثل خبر عاجل كل شوي وناقز خبر

بس اللي اشوفه ان تمثال الحرية سوري اقصد دوار السراج ماراح ينشال لازم سطحه:sm288: يبيلها كنور .
بس الاكيد ان حالياً أعمال الصرف الصحي اكرمكم الله هي الطاغية بهالديرة.
يعني ( زبدة الكلام ردد ياليل ماطولك) وانا اشوف السراج اقتصادي خاصة لو طفا الكهرب يمكن ينور الشوراع .:28:


تحياتووووو:cheering:

[اشهب القلته]

يا رجال راح الكثير وما بقى الا القليل