(لو خانك اعز ناسك) وش الأبيات اللي تجي في بالك ؟؟

[المنتهي]

السلام عليكم ورحمة الله وبركاته

(لو خانك اعز ناسك) وش الأبيات اللي تجي في بالك ؟؟

حبيت إني أسألكم هذا السؤال !!

لو خانك أعز ناسك سواء حبيب أم صديق

فماهي رسالتك لهذا الخائن ؟؟

ماهي الأبيات التي تود أن تنقلها لــــه ؟؟

لا تستغربون ماهو سبب إختياري للخيانه

فقط .. ولكني

أعشق هذا النوع من القصائد

التي تحمل معاني

الفراق , الخيانه , العتاب , الغياب , الجفا !!

وأرجو منكم التفاعل

راح أبدأ أنا :


ارجوك تسكت لا تكلم ولا بحرف
مالك عذر مالك كلام تقوله

ياشيـخ اسف وين بلقي لها صرف
مادام قلبك انكشف لي ميوله

ياماعيوني اذرفت دمعها ذرف
وياماسهرت الليل اشتاق واوله

راحت حياتي وانا من جرف لي جرف
وانا احسب ان الحب هذي اصوله

انا دخيلك ودي اليوم اعرف
وشلون تنساني بهذي السهولة؟؟

هي الخيانه والكذب عندكم عرف
او الوفاء في هذا الزمن ما تطوله

[الأماكن]

راح أقوله:


اخطيت يوم اني طلبتك حنانك
لاصرت فاقد شي وشلون تعطيه

مهما نطقلي بالمشاعر لسانك
شي بدون احساس مااقتنع فيه

احساسك المصنوع خنته وخانك
جاملتني به وانت تجهل معانيه

مني نصيحه تنفعك في زمانك
الا شعورك لاتبيعه وتشريه

كانك تقدر قيمة الحب كانك
اللي يودك لاتحاول تعنيه

ياكثر ماحبك فؤادي وصانك
مع كثر ماتبعده كأنك تناديه

غيرك اماته خوف والخوف اماتك
ماكل من راعاك تقدر تراعيه

حتى ولو عليت بالقلب شآنك
ابقى يتيم الحب وجرحي اقاسيه

بعذرك لاحطيت نفسي مكانك
لاصرت فاقد شي وشلون تعطيه


القصيدة للأمير الشاعر سعد آل سعود

[نسايم ليل]

جرحتني جرح غزير جرح السحابة للغدير
صحيح رويت الحشا لكنك أدميت الضمير
ذوقتني عذب الهــوى واسقيتني مر النوى
جمعتها والله ســــوى براد حبك والهجير
البارحة ضحك وغرام وأجمل تعاليل الكلام
واليوم توديع وســـلام كل على فاله يسيــر
جرحت احساسي ومشيت خذيت كل اللي عطيت
جف الغدير اللي مليـت واللي بقى جرح خطير

[المنتهي]

شكرا اخوي الاماكن و نسايم ليل على تفاعلكم
اقول:


وفر كلامك و الزم الصمت داري ..

حفظت عذرك من كثر ما ذكرته ..

عندي خبر يتقول ها إعتــــذاري ..

ظرف وقف دون اللقاء ما قدرته ..

من كثر ما اصفح عنك و اسكت و أدراي ..

و من كثر ما دانك خطاك و غفرته ..

ظنيت بعدك فيه يوم احتضاري ..

و إني أنا ذاك الكسيـر و اسرته ..؟

ما تدري إن الموت دون انكساري ..

و لو ذلني في يوم قلبي نحرته ..!!

و اللي حصل مني بطوع اختياري ..

شفق على طفل الغلا لا نظرته ..

ارجوك لحظه لا تقاطع مساري ..

لا لا تحاول تجمع اللي نثرته ..

شي انتهى و الحين اسمع قراري ..

إيه الفراق و دم حبك هدرتــــــــه ..!!

[غاطي]

مابيني وبينك مشارية وعتاب
شف دربك الي جيت منه تدله
ماراح تغلبني لو الحب غلاب
من حضرتك علشان قلبي تذله
كنت القريب وكلهم اغراب
حتى القمر لاغاب شفتك محله
رح واعتبرني واحد اذنب وتاب
ما ني بثوب تلبسه ثم تمله

[ابن الغاط]

من كثر ما اصفح عنك و اسكت و أدراي ..

و من كثر ما دانك خطاك و غفرته ..

ظنيت بعدك فيه يوم احتضاري ..

و إني أنا ذاك الكسيـر و اسرته ..؟

ما تدري إن الموت دون انكساري ..

المنتهي يعطيك العافيه

[عبودي]

تجرح بقلبي وانت للاسف تدري
واذا رقت لي جيت وقلت اسف!

ما تدري ان قلبي عليك يغلي
وانت على جرحي تناظر وواقف!

الى متى وانت يا زين مهملني
لا اسمعك قايل(ن) اليوم اسف!

اسف سمعتها منك لين اتعبتني
وش تنفعك بعد موتي قولت اسف!

احببت ان اشارك للمعنى ولتجسيد ما في قلبي لكم :)

محبكم:)