يوشع
27-02-1428, 11:08 مساءً
بسم الله الرحمن الرحيم
إذا ما جاء الشئ اللى تبيه على هواك وصار كل شئ مقدر لك بعكس أتجاه السير
فأنت بالحاله هذى يقولون عليك الناس معوكسه معه , أو حظه ردي , أو منحوس
أو عليه قرادة حـظ !!
ومع الجزم أن فيه أشياء مسلمات قدر ومكتوب من الله سبحانه وتعالى
وفيه أشياء من الأنسان يخطي ويجيبها على نفسه
ألا أنه فيه حالات تكون بسبب تصرفات فيها شوي ثواره مصحوبه بدلاخه :tongue:
والحين تعالوا نشوف حالات عابره وضعتها لكم بقالب هزلي تعبر عن حال شخص
معوكسه معه ومن وين ما يطقها تجي معه عوجا والله يعين اللى حوله بس !!
(( ونا بالشارع أشوف سيارات لموزين على قفا من يشيل وأن أحتجتهم مالقيتهم
كأنهم فصل ملح وذاب))
(( إذا كنت بالعمل وأدور عن ورقه بين مجموعة أوراق ألقاها الأخيره أو قبل الأخيره
أو بعد ما تنتهى حاجتها ))
(( ماسك سراء عند البنك وإذا قرب الدور عندي قالوا تعطل النظام أو أنتهى الدوام ))
(( يبنشر علي الكفر ونا ماسك الطريق عادي .. لكن يبنشر مره ثانيه , وأحيانآ يكون
بنفس المكان من السنه الماضيه ))
(( عندي ضيوف طبوا بدون موعد وأطمر وأجيب لهم عشاء ومن العجله عشان ما أتأخر
أمصع الإشاره وهي حمراء ويكفشني المرور ويضفني أنا وكراعيني لتوقيف الناصريه
ويصير العشاء من حظ الموقوفين اللى معي ))
(( بعض المرات أشتري جهاز كهربائي - خمه لمه - وإذا جيت للبيت أول ما أفكه يتعطل
أو ينكسر فيـه شيئ ))
(( أفصل ثوب وأول ما ألبسه - بازآ به - ينشق أو ينكب عليه فيمتو :sm117:
أو يجيه حرق , لكن لو جلست عند الضو وترززت بالساعات ماجتنى ولا شراره ))
(( صادم بسيارتى وأدور على ورشة وحاط نظري على لوحات الورش أبغى أشوف
وش الزين فيهم وفجأه يوقف الطريق وأصدم مره ثانيه ! ))
(( فى أى مكان ومع أى أحد إذا الدعوه فيها حطة قرعه بالشئ الزين مايطلع لي
وبالشئ الشين يطلع لي - زي اللى تطلع عليه القرعه يروح يجيب عشاء !! ))
(( دبة الغاز وش حليلها - أعزم ضيف تخلص وحنا نطبخ غدانا ))
(( أنتظر برنامج تلفزيوني معين على أحر من الجمر وجالس مبحلق وفجأه مافيه كهرب ))
(( سكنت بيت وما حولي جيران مزعجين , وبعد شهر على يميني ثقيل دم وعلى
يساري - قزيز وعينه دافيـه ! )) :biglaugh:
(( خميت طقم كنب من السوق , القطعه الكبيره من الكنب ما دخلت للغرفه الهدف ))
(( يوصوني أهلى أجيب بقدونس أجيب كزبره - دلاخـه ! ))
(( إذا جانا مولود ولد ما أشوف قدامي بالسوق ألا ملابس بنات وإذا كان المولود بنت
ما أشوف شئ زين ألا ملابس أولاد ))
(( أرجع للبيت ومتأخر وأحط المفتاح بالباب وينكسر نصين - مالي ألا الطمره ))
آخــر وحــده
((( أن فظينا لقيناهم مشغولين وأن أنشغلنا جو مسيرين ))) !!!!!
8 8 8 8 8 8 8 8
هذا حالي مع زملائي ما قلتلكم قرادة حظ 0
هاه إذا فيه أحد منكم تعرض لهيك حالات ما يمنع يسدحها هنا
وســلامــتــكـــم
إذا ما جاء الشئ اللى تبيه على هواك وصار كل شئ مقدر لك بعكس أتجاه السير
فأنت بالحاله هذى يقولون عليك الناس معوكسه معه , أو حظه ردي , أو منحوس
أو عليه قرادة حـظ !!
ومع الجزم أن فيه أشياء مسلمات قدر ومكتوب من الله سبحانه وتعالى
وفيه أشياء من الأنسان يخطي ويجيبها على نفسه
ألا أنه فيه حالات تكون بسبب تصرفات فيها شوي ثواره مصحوبه بدلاخه :tongue:
والحين تعالوا نشوف حالات عابره وضعتها لكم بقالب هزلي تعبر عن حال شخص
معوكسه معه ومن وين ما يطقها تجي معه عوجا والله يعين اللى حوله بس !!
(( ونا بالشارع أشوف سيارات لموزين على قفا من يشيل وأن أحتجتهم مالقيتهم
كأنهم فصل ملح وذاب))
(( إذا كنت بالعمل وأدور عن ورقه بين مجموعة أوراق ألقاها الأخيره أو قبل الأخيره
أو بعد ما تنتهى حاجتها ))
(( ماسك سراء عند البنك وإذا قرب الدور عندي قالوا تعطل النظام أو أنتهى الدوام ))
(( يبنشر علي الكفر ونا ماسك الطريق عادي .. لكن يبنشر مره ثانيه , وأحيانآ يكون
بنفس المكان من السنه الماضيه ))
(( عندي ضيوف طبوا بدون موعد وأطمر وأجيب لهم عشاء ومن العجله عشان ما أتأخر
أمصع الإشاره وهي حمراء ويكفشني المرور ويضفني أنا وكراعيني لتوقيف الناصريه
ويصير العشاء من حظ الموقوفين اللى معي ))
(( بعض المرات أشتري جهاز كهربائي - خمه لمه - وإذا جيت للبيت أول ما أفكه يتعطل
أو ينكسر فيـه شيئ ))
(( أفصل ثوب وأول ما ألبسه - بازآ به - ينشق أو ينكب عليه فيمتو :sm117:
أو يجيه حرق , لكن لو جلست عند الضو وترززت بالساعات ماجتنى ولا شراره ))
(( صادم بسيارتى وأدور على ورشة وحاط نظري على لوحات الورش أبغى أشوف
وش الزين فيهم وفجأه يوقف الطريق وأصدم مره ثانيه ! ))
(( فى أى مكان ومع أى أحد إذا الدعوه فيها حطة قرعه بالشئ الزين مايطلع لي
وبالشئ الشين يطلع لي - زي اللى تطلع عليه القرعه يروح يجيب عشاء !! ))
(( دبة الغاز وش حليلها - أعزم ضيف تخلص وحنا نطبخ غدانا ))
(( أنتظر برنامج تلفزيوني معين على أحر من الجمر وجالس مبحلق وفجأه مافيه كهرب ))
(( سكنت بيت وما حولي جيران مزعجين , وبعد شهر على يميني ثقيل دم وعلى
يساري - قزيز وعينه دافيـه ! )) :biglaugh:
(( خميت طقم كنب من السوق , القطعه الكبيره من الكنب ما دخلت للغرفه الهدف ))
(( يوصوني أهلى أجيب بقدونس أجيب كزبره - دلاخـه ! ))
(( إذا جانا مولود ولد ما أشوف قدامي بالسوق ألا ملابس بنات وإذا كان المولود بنت
ما أشوف شئ زين ألا ملابس أولاد ))
(( أرجع للبيت ومتأخر وأحط المفتاح بالباب وينكسر نصين - مالي ألا الطمره ))
آخــر وحــده
((( أن فظينا لقيناهم مشغولين وأن أنشغلنا جو مسيرين ))) !!!!!
8 8 8 8 8 8 8 8
هذا حالي مع زملائي ما قلتلكم قرادة حظ 0
هاه إذا فيه أحد منكم تعرض لهيك حالات ما يمنع يسدحها هنا
وســلامــتــكـــم