يا شباب ابي رايكم بين ربع النيسان و التايوتا

[ابو فيصل]

يا شباب تكفون ساعدوني محتار بين ربع النيسان والتايوتا







و شكرا

[مهندسـ]

حياك الله أبو فيصل بين أهلك وربعك
وبالنسبة لسؤالك هذا اللي يحدد جوابه أنت!!! بتقولي كيف؟؟؟؟
كل إنسان له طريقة لإستخدام السيارة وأنت أكيد تعرف طريقتك..
وأنا بقول رأيي عن السيارتين وأتمنى الجميع يتقبلها بسعة صدر
بالنسبة لربع النيسان:
1- مريح أكثر من ربع التايوتا لأنه يايات ورا وقدام
2-المقصورة الداخلية أفضل من ربع التايوتا
3- الشكل الخارجي(هذي أهم نقطة واللي الكل دايم يتهاوشون فيها وأنا أقول كلن يناظر السيارة اللي يحبها هي أزين شكل , يعني يصعب تحديد هالنقطة (الأذواق تختلف))
4-صرفية البنزين أكثر من ربع التايوتا هذا إذا كان الموترين شد بلد بدون أي ترهيم..وهذي يعترف بها من جرب كلا السيارتين
5- ربع نيسان فيه مشكله وهي إنه يتفكك بالبر مع البطانيج.

وبالنسبة لربع التايوتا:
1- أقل راحة من ربع نيسان
2-المقصورة الداخلية تصميمها أقدم من ربع نيسان
3- الشكل الخارجي كما ذكرت كلن يمدح اللي يحب
4-أقل صرف بنزين (بدون ترهيم ) لكن إذا جاه ترهيم مادري بصراحة
5-العزم واللي يبحث عن العزم فأنا أقولها وبكل صرااااحة لامقارنة بينهما التايوتا أفضل بكثيييييييييير ووسبق لنا أن جربنا هالشي ماقلت هالكلام من فراغ
6-ربع التايوتا مشكلته غالي وهذا معروف عن تويوتا

أحببت أن أشارككم الرأي وهذا الكلام أنا متأكد منه لأن أصحاب المواتر اللي ذكرت يعترفون بها سلبية أو إيجابية

تقبلوا مرور أخوكم المهندس

[B D R A N I]

حياك الله اخوي ابو فيصل
بالنسبه للسؤال فأنا مجرب ربع نيسان ومن حيث الايجابيات:
1- افضل شكل ((بالنسبه لي))
2- راحه و شكل افضل من الداخل
3-اهم شئ ان رخيص

السلبيات:
1-صرف البنزين اعلى
2-عدم التحمل ((مايعيش كثير))


وانصحك بالنيسان والراي لك

وجهة نظر>>>تقبل مرور ::ولد العوشزة

[ابو فيصل]

اشكركم على ردودكم
:sm136:

[الشقردي]

والله كفى ووفى صراحة اخوي المهندس..

تحياتي

[الدحمي]

عليك بالتويوتا ولا تشااااااور .....

[الشامخ]

ان من وجهة نظري
ربع التايوتا احسن من النيسان..

[مـجــMjaL3Dــــلعـد]

انا أأيد وانصحك بـــ ربع تويوتا خليجي

وابد مايتقارن بالنيسان من جميع النواحي

والله يكتبلك اللي فيه الخير

[ابو فيصل]

الف الف الف الف الف الف الف الف الف الف شكر

[المخلص]

وانا أشهد إن النيسان طب لبو قلب عليل . . والمرض للي عرف التويوتا وركبه . .

[ABOTMEM]

ربع تويوتــــــا أفضل . . . من ناحية العزم والشكل . . .

ربع النيسان أفضل من ناحية الراحة و المقصورة . . .

وأنا عندي التويوتا أفضل

هذي وجهة نظري

[القرم]

لو ابشتري جيب ما نيب متعدي ربع النيســــــــــــــان00000خاصة 2006 شكله خيال000
وربع التويوتا من موديل 85 هذاهو شكله على حسب علمي بس ركب لمبة فرامل ورى وغير الشبك والخطوط ويصير 2006(بالشكل)00


واللي يشوفنا مقطعين البر تقطيع 00ياطيبنا ان رحنا ثلاث مرات بالاسبوع بايام الشتاء ومرتين بالصيف00

والراي لك يابو فيصل00

والمهندس ذكر المميزات ولك الخيار00

[عــــ النفود ــــاشق]

الربع التويوتا :

عزم , ما يتفكك , شكل حلو ,أقوى من النيسان , اقل صرفية .

النيسان :
يتفكك , اريح بشوي من التويوتا , شكله بايخ وقبيح , ما يعيش كثير وأسئل مجرب , يصرررف اكثر .


وأنصحكـ بالتويوتا

[ابوصـــالح]

ان من وجهة نظري
ربع النيسان احســـن من التايوتا
واخوك ابوصـــالح

[الساير]

ربع التايوتا مايبيله كلام بس فيه عيب واحد علطول ينقلب وخاصتن الي ميعرف يسوقه
اماالنيسان عيبه يتفكك ويقطع بس اريح من التايوتا عامه
بس انا افضل النيسان الجيب فقط
(هذا وجهت نضري)

[تركي الغاط]

ربع التايوتا افضل ...........(بالنسبه لي)
اخوك :تركي الغاط

[ابو سلطان]

عليك بالبــــــــــــــــــــــــــاتــــــــــــــــــــــــرول

[الـوافـي]

عليك بالباتروووول

[AbdulRa7man]

لاتعدى الباترول

[المتهور]

انا اقول ربع التايوتا ما يتقارن و الخيار الاول و الاخير لك

[عبدالمجيد بن محمد السليمان]

وأحذر من النيسان يملاك بغبار
........................لولا غباره كان مابه عذاريب

أنصحك بالنيسان وسلم على راعيه ..

عز الله أنه موتر ..

وجه نظر ..

[عبدالكريم بن سليمان السليمان]

والله رااايي الشخصي :


على حسب شخصيتك :


انت راعي هبال : خذ تويوتا


راعي كيييف وراكد : خذ نيسان






تقبل مروري