جاء دوركم وهذا واجب طالبات الكليه عليكم

[ولد شيوخ]

عليكم الدور تقومون بواجبكم يالله شدوا حيلكم وبعد ما يتغيرالوضع في النقل و يرجع مثل العام واحسن
الشركه تسلم الامر وتنفذ مطالبكم وتبحث على سائقين من الغاط ولهم الاولويه وبالراتب الي طلب منهم بـ(3000 ) ريال ولقوا واحد والثاني عليكم دوروا الي يصلح ويحافظ على بنات ديرته وعلموني اوصله للي متواصل معهم قبل يوم السبت لا يرجعون http://www.al-bowardi.com/vb/images/smilies_bowardi/bow36.gif

وتبدا الحلقه الثانيه http://www.al-bowardi.com/vb/images/smilies_bowardi/bow16.gif
نبي نقيم دور كل من عليه واجب ومن حس بأخواته ومن قصر
والي يلقى سواق يصلح وموافق على الراتب هذا يعلمني وبسرعه ورونا من يتشرف بها الخدمه

[ولد شيوخ]

ولا واحد وش دعوا من اول العصر منزل الموضوع توقعت ابلش بالاسامي وكل واحد يتوسط يعني مافيه احد يصلح
او الراتب شوي ترا المخلوعين رواتبهم 1500 ريال الله يرزقهم يعني زاد الضعف وكان العمر تحت الثلاثين شوي مافيه مانع اذا الرجال معليه كلام

[المخلص]

مالك إلا الأجر والله يا ولد الشيوخ . .

ما قصرت . .

وبيض الله وجهك وسدد على الخير خطاك . .

المخلص

[ابحثو معي]

السلام عليكم


الله يبشركم بالخير يعني بيتغيرون خلاااااااص:1:

والله ان فرحتي ما تنوصف بهالخبر ويا رب تلقون الثاني



حنا خايفين يصير لخبطه بالبيوت يوم السبت مع هالتغيير وعندنا امتحانات<< ترا جد

يصير تاخير

ومشكور على فتح هالموضوع وعلى الحلول السريعه والي تهبل :safgh: :safgh: :safgh:

:sm142: :sm142: :sm142: :sm142:

[القرم]

وقفة شكر واحترام 000

لك اخي ولد شيوخ00

اليوم الاربعاء الناس منشغلين بالكشتات والروحات والجيات اصبر اخوي شوي وبتلقى تفاعل انشاء الله00

لكن لو اعلن على مستوى المحافظه وذلك بوضع اعلانات مو احسن00

[ولد شيوخ]

السواق مطلوب قبل يوم السبت ما يمدي الناس تدري عن اعلان بس لو كل من قراء الموضوع سأل الي حوله كان درو كل اهل الغاط .
بس كن مافيه جديه مع ان المصلحه الجميع وما تخص احد معين
اتمنى من الاعضاء خاصه الي لهم بنات لو من العضوات المستفيدات مشاركة الي يبذل مجهود لمصلحتهم والا مانلوم الشركه على تصرفها وخطاها في غياب دور الطالبات والاغرب غياب اولياء الامور
اذن من الي مطلوب منه يتدخل في نظركم
مالقو سواق من الغاط لليوم يالله دورو من يترزق الله والفايده له ولكم ولا للغريب

[Rose]

ولد شيوخ
الله يجزاك الف خير
وماقصرت وكلمة شكرا" ماتوفي حقك
لكن احنا بنات العين بصيره واليد قصيره:sprachlos020:
ياليت تحطون اعلان في الاماكن العامه والاسواق
لعل وعسى تنفع وتجيب فايده
واكرر شكري لك:stars:

[ولد شيوخ]

معقول مافيه احد فاضي الصبح ينقلهن ويمشي اموره بالقرشين
بس تصدقون اني سمعة ان ظهور المشكله ووصولها لهذا الحد مع اصرار الشركه على التمادي مجهود شخص واحد بس
عجايب

[ابحثو معي]

هاه بشرووووو ماااااااااااااااااااااااااااااااااابي اروح مع ذولاك
بكره
تكفووووووون تكفووووووووووووووون نبي احد يودينا ماله الا اجر

عشان يصير امتحاني حلوووو مابي اشوف ذيك الوجيه الودره

[ابحثو معي]

مشكووور ولد الشيوخ الله يعطيك على قد نيتك يارب تفاعلك معنا حسسنا انو فيه احد

يهتم ببنات ديرته من جد من جد وسعت صدونا واثلجتها بتفاعلك

الله يشررررررررررررررح صدرك دنيا واخرررررررررره قولوووووووو امييييييييييييييييييييييييييييين


والله الموضوع مشغلني عجزت اذاكر
متحمسه بشوف وش بيصير

[عبدالله بن ناصر الطويل]

ولد شيوخ الله يجزاك خير على كل شيء عملته بخصوص هذه المشكلة الكبيرة

اخي العزيز هناك من كانوا ينقلون البنات السنوات الماضية
وسوف اقترح عليك بعض الاسماء ممكن تكلمهم وان شاء الله يوافقون
ناصر الفوزان
فهد الفوزان
عبدالمحسن الفجر

[ولد شيوخ]

مافيه فايده مافيه احد لقى سواق
معقول كل من قراء الموضوع دور - يمكن نصهم - لاربعهم
ماواحد طلب يعرف التفاصيل لمن فكر يشوف ثم يقرر
يعني كل من قيل له قال ...لا
اذن يستمر خاطر لعدم وجود بديل يدور المال والحفظ للي رمين بالبر وحارسهن الذيب ومايفكر ياكلهن لان ذيابة هالجيل تاكل بيض

[ملك الورد]

ولد شيوخ الله يجزاك خير على كل شيء عملته بخصوص هذه المشكلة الكبيرة

[ابو عبدالعزيز]

الله يجزاك خير وبادرة متميزة منك