وشي الكفرات الي انت تستخدمها وهل جازت لك ,,,

[الشقردي]

السلام عليكم ورحمة الله


عندي سؤال


وشي الكفرات الي انت تستخدمها


و وش فيها عيوب


ونبغى تفاعل منكم

علشان تعم الفايده للجميع

[مهندسـ]

مشكوور اخوي الكتكوت المرعب
على الطرح لكن لأي سيارة انت تقصد؟؟؟
على العموم بالنسبة لي للهلي كفرات هانكوك ممتازة(لينة؛زينة بالنفود؛ شكلها حلو؛خفيفات)
وبالنسبة لكفرات اليوكوهاما لاتاخذ الا مقاس205\75\15فقط(شكلها مهبول تعطي نظرة للموتر؛ مهيب عراض تمشي بالخط؛لكن عيبها النفود ماتنفع ابد بالنسبة للغمارة)
هذا وقد احببت الرد على موضوعك تسلم أخوي الكتكوت المرعب
أخوك المــــهندس

[الشامخ]

انا بصراحه استخدم الهانكوك..
والله جايزات لي..
وشكرا لطرحك هذا الموضوع..

[ابوعثمان]

عليكم السلام....

بالنسبه لي أخوي

للجيب كفرات ماشيلان الصراحه مريحه ..وشكله ممتاز جداُ.. وتتحمل ...

وايضاُ كفرات دنلوب جميل. شكلها. وخفيفه .ومريجه نوعاً ما ...

مشكور اخوي الكتكوت المرعب على الموضوع المفيد واللي أن شاء الله بيستفيد منه الكل

[الشقردي]

يعطيك العافية اخوي المهندس على مرورك الرائع وما تقصر يالغالي...

[الشقردي]

حياااك الله يالشامخ وشكرا على مشاركتك ويعطيك1000عافية

[الشقردي]

هلا بك والله اخوي ابو عثمان ومشكووور على مرورك يالغالي...
بس انا اقصد للهايلوكس عطني رايك وش اللي ينفع ويصلح له اي نوع؟؟؟

[المخلص]

الصني قبل ما ( تصدم )

كفراتها برللي ألماني ..

سعرها 220ريال

مدلعه صح ؟

وفيه خبر طاااازج ..

وحصري للموضوع أبطقلها جنوط بعد ما تطلع من الورشة ..

تحيتي لك يالغالي ..

[القرم]

بالنسبة للهايلكس افضل وأنصح بكفرات مارشال وليس ماشلان225/75
كوري
لينة00 عريضه00 تفرش بالنفود00 منظرها رايق00 صبور
اما الجيب فمدح لي فايرستون 00
لين 00ويكد00 وصناعته ياباني000

اما السيارات الصغار فمدح لي برجستون ويوكوهاما00


ومشكور اخوي المرعب على هذا الطرح الراقي00

[أبونجود]

جربت الكثير لم يناسبني إلا :
http://www.l22l.com/l22l-up-4/963b95dc9a.jpg (http://www.l22l.com)

http://www.goodyeartires.com/

[مهندسـ]

اذا سمحت لي أخوي الكتكوت المرعب التعليق على مشاركة أخونا القرم
بالنسبة لكفرات مارشال الصراحة ماجربتها لكن المقاس اللي انت ذكرت225\75\15كبـــــــــــــير يعني أتوقع لو تكون 225\70\15كان تضبط(المقاس الكبير يشوه شكل السيارة وخاصة الغمارة،وله سلبية في النفود إن الموتر يصير ثقيل بالثاني يالله يمشي بالنسبة للغمارتين بس ممتاز بالأول)
أتمنى أن تكون معلوماتي صحيحة ناتجة من خبرتي البسيطة...ولكم تحياتي
أخـــوكــم المهندس

[المخلص]

أختلف العلماء ..

أطلع منها احسن ..

شكلي أدربيها عند هالأشناب ..

شكرا لكم ..

[الشقردي]

وش الدعوى يالمخلص تدربيها لا والله
الا ماشاء الله عليك ويعطيك العافية على مشاركتك الرائعة000

[الشقردي]

العفو يالقرم والرائع هو مرورك يالغالي00

[الشقردي]

مشكوور يامشرفنا ابو نجود على مداخلتك والشكر موصول للغالي للمهندس على تعليقه المهم 00

[القرم]

المهندس (بالنفود انت ابخص)000