ابفتح مشروع وش تنصحوني فيه

[باترول]

ابفتح مشروع وش تنصحوني فيه

اخواني الاعزاء

اسعد الله جميع اوقاتكم بكل خير

في البداية أتأسف على ازعاجكم

ولكن الحيرة لزمتني فقلت مالي الا الله ثم اخواني في منتديات الغاط يساعدوني

أريد فتح مشروع مناسب

المحافظة فيها حركة ممتازة وايجارات المحلات رخيصة فيها
فما ادري هل افتح محل جوالات او محل مغسلة او بوفيه أو أي شي...؟

اتمنى منكم ان تساعدوني برئيكم الذي سيكون غالي عندي

ماهو المشروع المناسب وكم تكلفته وأي المواقع أفضل ( السوق الداخلي ؛ أو عند مسجد سارة ؛ أو في حي الملك فهد أو غيرها)


اتمنى اي احد عنده المشوره بالمحل أو المكان يخبرني
وجزاه الله خيرا

[قطوة ناعمة]

ااذا عندك راس مال قوي افتح مدرسة خاصة للاولاد او نادي رياضي نسائي او اي شي اهم شي يكون شي للحريم هن الي يصرف ولا ينشدن مو مثل الرجال ما يصرف الين الريال يخيس في مخباته وده يطلع من شدة حر الغاط

[خشم العرنية]

ايه أنت يبي لك جلسة إقتصادية خاصة :) ..
وش رايك نتخاوى للنفود ونحكر الشاهي ونتفاهم ومالك إلا دراسة جدوى ما تخرش المية :) ..
تحديد النشاط يختلف بحسب المستثمر ..
هناك أنشطة كثيرة تحتاجها المحافظة ولكي تسهل عليك الفكرة أقترح عليك أن تسأل الأهالي ماهي الأغراض التي يذهبون للزلفي من أجلها وتسوي استبيان مبسط عنها لتحدد النشاط الأكثر طلباً ..
وبالتوفيق ،،،

[المبشربالخير]

أقترح تفتح محل عصائر متخصص وتضبط هالكديكور اللي
يفتح النفس وتكمل المشروع ببعض المأكولات الخفيفة
لأن الشتاء سوق العصيرات ضعيف جدا لاجل ذلك تكمل
المحل مثلا ذرة أو فيشار أو كنافة ......
أسأل الله لي ولك وللقارئ الرزق الحلال... آآآآآمين

[باترول]

ااذا عندك راس مال قوي افتح مدرسة خاصة للاولاد او نادي رياضي نسائي او اي شي اهم شي يكون شي للحريم هن الي يصرف ولا ينشدن مو مثل الرجال ما يصرف الين الريال يخيس في مخباته وده يطلع من شدة حر الغاط


لا لا عاد موب إلى هذي الدرجه أن الرجال مايصرفون إلين يخيس الريال بجيبه
يمكن أنتي تقيسين على أحد من قرايبك أو أهلك

الي أنا أشوف مافيه أحد ( قعيطي ) مره يعني بخيل جدا قد يكون موجود من هالنوعيه لكن قلة قليلة جدا

أما ماذكرتي أن الحريم أكثر صرفا للأموال والشراء عندهن الإمبير مرتفع جدا فصدقتي بما ذكرتي
وهو معروفا لدى الجميع

ومشروع المدرسه أشوف أنه متعب بالحيل أولا يبي رأس مال كبير وثانيا اجار بيت متكامل مع الملاحق والصالات الداخليه
ولا ننسى مرحله البحث عن معلمين مع الإداريين وإعطائهم رواتب شهريا

كل هذا التعب وبالأخير قد لاتجد إلى 15 عشر طالبا أو يزيد قليلا


طيب لما لايكون محل إكسسوارات نسائيه مثل شباصات وأطواق وغيرها؟؟

شكرا لك قطوة ناعمة

[VX.R]

انصحك بورشة لتجهيزات النصب ..

[يا تسبديه]

من رأيي تفتح مشغل نسائي كبيير فيه كل شي يغنينا مانروح منَا ولا منَا

[Abo Rashed]

الله يرزقك

لو تحط محل كفرات ولا محل قطع غيار ( وكيل معتمد )

[برشلوني]

انا اقول تفتح محل زينة سيارت احسن او بقاله في مخطط السداره

[الدرع]

اخوى العزيز......
انا انصحك بفتح مطعم للأكولات الشعبية...

مثل كبسات ..مرقوق ..قبابيط..جريش...
وعصيده....ومرقه قرع خاااااثره....

وكثر من الدجن...
واجعل احدى زوايا المحل للكرعان...
وغير ذلك من المأكولات الشعبيه...
لان الغاط يفتقر لمثل هذى المطاعم....

ويمكنك الأستعانه ببعض النساء للمشوره وعمل الأكلات للمطعم ( ياكثرهن)

ارجو اننى قد افتك....

[Abo Rashed]

فكر زينه

بس يا خوي بس اذا صار فيه تسمم ولا امراض صارت فوق راس صاحب المحل ولا تسلم ألسه الآخرين





للكرعان...


.

أحترم نفسك يالدرع :sm86:

[الدرع]

يارجال اعقلها وتوكل ولا تنظر لتفهات الأمور ..
وماعمرنا سمعنا ان الكرعان تسممت او جاها تسمم

اولا انت نزلت موضوع تبي المشوره ..
وخذ المشوره من اهل المشوره

والأكلات التي ذكرت أنفأ كلها تعتبر من التراث ويجب علينا أحياء التراث
(( يارجال شجع السياحه ولو با الكرعان ))

[RSSAM]

أقترح تفتح محل عصائر متخصص وتضبط هالكديكور اللي
.......
سبحان الله نفس الاقتراح ..
وأضيف مركزخدمات طالب ، تصوير وطباعة بحوث وغيره ، وخاصة كليات الغاط راح ترفع من سوقك ..
وتجنب المطاعم ..
وفقت ..

[@:ABO ABDULAZIZ:@]

اقتراحي تفتح ورشة وتئجرها على العمال تسير تاخذ منه حقك كل شهر تقوله كل شهر 2000 ريال او 4000 ريال والباقي للعمال المهم يكون لك 2000 او 4000 تظمن حقك ازين من انك تخاف تخسر
حبيت اني اطرح فكرتي لك ويليت تنفذها ^_^

[RSSAM]

اقتراحي تفتح ورشة وتئجرها على العمال تسير تاخذ منه حقك كل شهر تقوله كل شهر 2000 ريال او 4000 ريال والباقي للعمال المهم يكون لك 2000 او 4000 تظمن حقك ازين من انك تخاف تخسر
حبيت اني اطرح فكرتي لك ويليت تنفذها ^_^
هذه الطريقة تجوز بوصفها إجارة وعقدها عقد إجارة ، أما إن كانت بصفة مشاركة فلا تجوز لأنها تأخذ أحكام الشركات التي تكون فيها الوضيعة على قدر المال والربح على ماشرطاه ، إليك :



http://www.islamweb.net/ver2/Fatwa/ShowFatwa.php?lang=A&Id=134636&Option=FatwaId



http://www.islam-qa.com/ar/ref/118154

[كاجو بالجبن]

انصحك تفتح محل ملابس اطفال ...ولو بجامات وترنقات بينكبوووون عليك الحريم

[Dr.M3ath]

الله يقويك أخوي ...

والله يالغالي ...

قدر المبلغ اللي عندك ووش تقدر تفتح فيه ... بهذا راح ينحصر بأشياء محدودة ..
وبعده شف من هالأشياء الشيء اللي محتاجته المحافظة مثل ما سبق وقال الشباب محل عصيرات .. لكن بالشتاء ما راح يمشي فخله محل مشروبات ساخنة وباردة وبكذا تضمن طول السنة انه يمشي وحط معه وجبات خفيفة مثل الفشار والذرة والكروسان و و و إلخ ... وأمر آخر ... تابع المحل من البداية ولا تثق بأحد من العمالة وإلا فراح تخسر وتضر تقفله من البداية

وبالتوفيق ...

* محل العصيرات انا ضربته كمثال لكن انت اللي تشوفه ولا مانع من استشارة أهل الخبرة ...

ولا تنسى الاستخارة

بالتوفيق لك أخوي

[عاااصي]

لك مشروعين عندي لايقل الدخل الشهري عن 10000 ريال بس خارج الغاط بس يبي راس مال حلووو شوي

اذا ارتهن راسلني ع الخاص

ونتمى لك التوفيق والنجاح

[مفاز]

والله لو تفتح محل مناقيش وفطايرباانواعها يكون افضل

لانها مرغوبه بكل وقت الصبح والعصر وبالليل

عندك المدرسات الصبح وجلسه العصريه زينه معها المناقيش والسهرانين بالاستراحات ياخذون معهم

يعني مشروع فللللللللللللللللللللللللللللللله

بس لاتحط شاورما وطقتها بس مناقيش وفطايروبيتزا

الله لايهينك العماله تركيه يعني مو بربسه نبي شي على سنع

[ابوعمرالاسعدي]

انصحكـ بفتح محل زينة سيآرآت
وتحط كل اشغآل النصب فييه
اضمن لك انه بينجح المشروع

[@:ABO ABDULAZIZ:@]

جزاك الله خير رسام

اجل اقترح تسجيلات اسلامية وكتب علمية