شعـار ( لا للهــلال ) . . لمـاذا . . و الى متــى . . ؟ [الأرشيف]

مشاهدة النسخة كاملة : شعـار ( لا للهــلال ) . . لمـاذا . . و الى متــى . . ؟

نـديــم الـغـاط

الخميس 16-06-1427 هـ, 03:02 صباحاً

الحقيقه موضوع قوي بكل ماتعنيه الكلمه موضوع حامي لدرجه الغليان
موضوع احلى مافيه انه من خارج الوطن من خارج الحدود الموضوع لايخص صحفي نصراوي او حتى مشجع او عاشق او محب نصراوي او (من جماهير الصبر)<ـــــ لقب اطلقته صحافه الهلال على جماهير النصر
مع العلم ان اسمى معاني الحب او العشق وحتى الجنون هو الصبرلا
ان ياتي الانصاف من شخص فا الداخل قد يكون هناك نوع من المجامله اوحتى التعاطف لكن تاتي من خارج الحدود والوطن لااعرف ماذا اقول
ملاحظه المقدمه هذي تخص نديم الغاط:25:

اتركم مع الموضوع
مـقــدمـــة ,

عـادة مــا يـتـفـق عــامـة ( الشعـب ) فـي الـدولـة عـلى شعــار مـعيـن يـحـث على محـاربة

الـفـسـاد أو يـدعـو الى ( الاصـلاح ) في تـلك الـدولـة .. بـنـفـس الوقـت تجــد ( البعـض ) يحـارب
هـذا الشـعــار امــا ( لغبـائه ) أو لمـصـالح ( شـخـصية ) !

عـلى سـبيـل المثـال شعــار ( لا للـمخــدرات ) يـتفـق
عـليــه الجـمـيع عـدا ( تجـّــار المـخـدرات ) ..
:sm136:

شـعــار ( لا للارهــاب ) اتـفـق عـليــه الجمــيع عـدا ( الارهـابيين ) !!

:sm136:

و الأمثــلة عـلى ذلك كثيـرة ..

. . .
ان مـا ( حــدث ) فـي الريـاضة السعوديـة في السنـوات الاخيرة و مــا ( يحـدث ) حــاليـا و مــا ( سـيـحـدث ) مـسـتقـبلا

– ان بقي الوضع كما هو عليه – أمــر يـدعـو الـجمـيع لرفــع
شعـار ( لا للهـــلال ) ! عـــدا ( الهلاليين ) !

لـسـت ( أبــالغ ) فـي كلامي .. كـمـا أنــي كلامـي لا عـلاقـة لـه مـن قـريب أو ( قـريب ) !
. . .
لا للهــلال . .
عـبـارة أطلقــهـا ( الأهلاوي ) كـصيـحة ( مظلوم ) عـندمــا تـقـرر لعـب نهـائي كأس ولـي العهــد

بالريـاض .. علمــا أن ولـي العـهـد ( خـارج ) الريـاض !

لا للهــــلال . .
عبــارة أطلقهـا ذلك ( الاتحـادي ) كـصيحـة ( مظلوم ) عـنـدمــا جـاء ذلك القـرار

( الغـريب ) ( العـجـيب ) بتقـسيم المـدرجـات عـلى طريقــة تـقـسـيـم
( الاستعمـار الغـربي ) للـدول العـربية !

لا للهــــلال . .
عـبـارة أطلقهــا ( القـدسـاوي ) في كـأس ولـي العـهد .. و كـأن لجـنـة الحكـام أصبحـت تتكــون من عـشرين رئيسـا ..

و خمســة و أربعـون نـائبـا للرئـيس . . و ( حكـــم أوحـــد ) لــذلك الفـريق !
( قـام ظافـر أبو زنـدة بطـرد ثلاث لاعبين من الفريق القدساوي ) !

لا للهــــلال . .
عـبــارة أطلقــهـا ( الحـزمـاوي ) عـنـدمــا شـكك رئيس الهـلال بأحقـية ( الحـزم ) بالصعــود لدرجـة

الممـتـاز .. ظـانـا أن كــل الفـرق تتـبـع نفـس سياسـة ( اللي بالي بالك ) التـي اتبعـهـا مـن سبقـوه ..

لا للهــــلال . .
عـبـارة يطلقـهـا صـباح كـل يـوم ( أب سعـودي ) وهـو يتـصفـح ( الجـرائد اليومية )

خــوفـا على ( أبـنائه ) مـن انحـدار ( القـيـم الاخلاقية ) لديهـم و خـوفـا من تعـلـم
مفــردات ( رذيلـة ) لـم يألفهــا صـغـاره !

العـبــارة ذاتهــا يطلقـهـا النصــراوي ( مـرارا و تكـرارا ) لأحـداث مختـلفـة

و فـضــائـح ( نـوويـة ) هلاليـة الصنـع .. لـيـست ( ايرانيـة ) !

تـلك الفضـائح ( النـووية ) لا تخـضع لأي تـفـتيش من ( الأمم المتحـدة ) ولا تـلقى

معـارضــة من ( السياسيين الكبــار ) غـير أنهــا غــيـر مـقـبولـة أبـدا ( للشـعـب ) . .
و الشــاطر ( يـفـهم ) !

. . .
(( عـلامـات تعـجب )) !
## هـتـافات عـنـصرية بدأت باجتـيـاح الملاعب السعـودية .. أليـست كـافـيـة

لـرفع شعــار ( لا للهـلال ) .. ( ! ) ..

## هـل سـيـمـر ( صياح ) تلك المـدرجـات مـرور ( الكـــرام ) ..( ! ) ..
## طــرح أحــد ( الهلاليين ) في مـنتـداهم مـوضوع بعنـوان

( نـصراوي أبـو تسجـيل .. و كـذبة ابـريـل ) .. مـضمـون المـوضوع دل بشـكل واضـح عـلى
عـقليـة ذلك المشجـع . . لكـن ذلـك لا يمـنـع مـن الـرد عليـه
بأسطـر قليلة حـتى لا ( يـوهـم ) نـفســه بأنـه ( الصـواب ) ..

يـقـول ذلك الهـلالي (( لـم يذكـر الامير محمـد بن فيصـل نصـا صريحـا أنهم عمـدوا الى

رشـوة الحكـام لمسـاعدة الهلال )) .. أقـول لـه نعـــم .. أصبــت ..
و لكــن يا ( أستـاذ ) .. عـندمـا يقــول لك المـدرس فـي المـدرسـة
(( كـل الطيـور لهـا منـاقير .. و كـل الحيـوانات التي لهــا مناقيـر تضـع بيضــا ))
.. فـتـقوم أنت يـا ( أستــاذ ) و تـقـول لـه (( اذن .. كــل الطيــور تضـع بيضــا ))
.. فـهـل يقــول لـك (( لا .. لـم أذكــر ذلك بشكـل صريح )) ( !!! )

الرئيس الهـلالي قــال (( معـظم الحكـام كـانوا يـأخـذون الرشـاوي لمـساعدة الفـرق

. . و سـبـق لعـدد منـهم أن ســاعد الهـلال )) .. هـذا يـقضي يـا عزيزي بـأن الهلال
سـبق أن تعــامل بالرشـوة للحـصول عـلى المسـاعدة !
و كـلام أكثــر من هـذا الكلام في هـذا الموضـوع ( حـــرام ) ... ( ! )

## كـعــادة الهـلاليين بـدأوا يتـغـنوا بـ( أولويـة ) السـت بطولات متـتـالية .. ليـواصـلوا

مسـلـسلهـم المكسيسي فـي سـرقة البطولات و الأولويـات . . غـيـر أن الـرد ( كالعـادة )
يأتي سريعـا من أبنـاء الشمـس . . فظـهرت الأولويـة ( الحقيقية ) !
يـذكر أن ( السداسية ) النصراوية كـانت خالية من بطولة ( الارهـاب )
و بطولة ( ثلاثة و عشرين سنة ) . . !

. . .
مــا بعـد القـراءة . .
عـزيزي ( المشـرف ) . .

عـزيزي ( العـضو ) . .

تـرددت كثيـرا في كتـابة هـذا الموضـوع . . خـوفـا مـن ( الاغـلاق ) أو ( الحـذف ) !

لكنـي عمـلت جـاهدا على ابعـاد أي كلمـة قـد تـفـهم ( بضـم التـاء ) بشكـل خـاطئ !
و المـوضوع هـو مـن الواقع . . و مـن أراد التأكد عليـه الذهـاب لمواقـع تلك الأندية و منـتدياتهـا !

ليـست الغايـة من الموضـوع اثـارة الهلاليين أو ( الاستفـزاز ) . .

فـاذا كنـت أنـا ( مستـفـزا ) فتلك اشارة صريحـة على أني لا أملك شيـئا !
لكـن موضوعـي هـذا ( واقع ملمـوس ) !

و طـرحـه يهـدف الى معـرفـة السبب الحقيقـي الذي أدّى لـرفع هـذا ( الشعـار ) . .

و أن نسمـع من اخواننـا الهلاليين وجهـة نظرهـم . . فنـرد اذا ( استطعنـا ) . .
و مـن ثـم ( يعـقبـوا ) على الـرد . .
و تكـون المحـصـلة ( نقـاش ) كروي جميــل . .
و مـا أجمـل النقـاش ( الريـاضي ) !

عـذرا على الاطـالة ,
محبكـم / وليــد بســام

الأردن

:38:

المخلص

السبت 18-06-1427 هـ, 03:57 صباحاً

إردني .. وجاي يعلمنا كيف .. نحب انديتنا ..

لو يكتب هاللموضوع في جريدة بالإردن ..

كان تلقاه وجهه موطى عليه بالتراب ...

لكن للأسف ..

ما حولك احد ,,

صرنا ناخذ من غيرنا ..

وصلت أن النصراويين .. يعبرون كلام حتى الأر دنيين ..

عجيبة ..

تحيتي لك أخي نديم ..

نـديــم الـغـاط

السبت 18-06-1427 هـ, 08:43 صباحاً

مونديال6

السبت 18-06-1427 هـ, 11:23 صباحاً

نـديــم الـغـاط

السبت 18-06-1427 هـ, 10:56 مساءً

طيب ......................................

وش المطلوب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني خلاص ارتحت هذا اللي عندك

ما شاء الله مبروك لقيتوا اسباب عدم تحقيق النصر لبطولات؟؟؟؟

عقب هالمقدمة الحلوة والكلام الزين

جماهير النصر فرحانه مررررررررررررررررررررررررة....
يالله هذي بطولة نحسبها لكم.

:38: :38: :38: :38: :38: :38: :38: :38:

والله انك قوي وش يقرب لك الرئيس العام لرعاية الشباب
الحين هذا اللي قدرت عليه الصراحه ابي صفحات وصفحات عشان اعلق على نقاطك القويه
يارجال كان ما كلفت عمرك ورديت كان اكتفيت بلصق اسمك

القرم

الأثنين 20-06-1427 هـ, 01:57 صباحاً

مسيكين يانديم ((والله ترحم بكل رد منبوذ ومحارب))00

والله انك ترحم وخلك باندية الاردن احسن لك 000

والموسم الجاي لعلكم تسوون شي نحن بانتظاركم000

سامي عبدالله الجابر / نجمي المفضل لانه قاهر الاصفرين000

نـديــم الـغـاط

الأثنين 20-06-1427 هـ, 12:17 مساءً

الله واكبر يا القرم منبوذ مره وحده
انا مدري عنكم يا جيل الصحافه الواحد فيكم ماله عقل يميز. والا يمين يمين يسار يسار

بعدين يا فطين وش دخل اندية الاردن ايييييييييييييييييييييييييييييه صح

نسيت ان لاعبك المفضل يحبهم لان شطارته عليهم وعلى الانديه العربيه كذا ما الومك

ومراح نسوي شي ولا راح ناخذ بطولات طالما ان رئيسكم اعترف فيه رشاوي وخرابيط
با الطريقه هذي مانبي بطولات

وقاهر الاصفرين خاصة النصر والله مادرينا عنه
16 سنه يلعب سامي ولا سجل علينا الا 11هدف ولا هدف من اهدافه حسم فيها بطوله قدام النصر او طلع النصر من مربع او غيره
كلها اهداف عاديه وماتشوف انها قويه مهاجم ويلعب ولا يسجل! وهي تجي معقوله اجل كيف صار في نظرك افضل مهاجم

خلك عاقل اقول واعرف وش تقول قال قاهر الاصفر قال
ههههههههههههههههههههههههههههههههههههههههههههههه

القرم

الثلاثاء 21-06-1427 هـ, 01:17 صباحاً

سامي عبدالله الجابر للمره الاخيرة قاهر الاصفرين000

واثق

الثلاثاء 21-06-1427 هـ, 02:06 صباحاً

اقول النصر والنصر ازعجتونا بذا النصر

طيب يعني اذا ماخذ النصر بطولة ازعجونا ولا ويحطون الغلط على التحكيم

وبعدين الامير محمد بن فيصل متى قال انه في رشاوي ولا بتقولونه شي ماقاله

كل هذا قهر على الهلال ( الزعيم )

نـديــم الـغـاط

الثلاثاء 21-06-1427 هـ, 09:23 مساءً

القرم

بس هذا اللي عندك

عموما تراني متضايق علشانك ماتقدر تقول شي

سامي وسامي واذا جاء وقت الجد قاهر الاصفرين
هههههههههههههههههههههههههههههههه

فتى الغاط
مساك الله با الخير

تبي اعطيك التسجيل وتسمع بنفسك اذا هو قالها والا لا؟

طيب واذا هو قايلها وبا الحرف الواحد

فيه فساد تحكيم واطالب اعلى سلطة با التدخل انا اعترف التحكيم ساعد الهلال اول
هذا اللي قاله با الحرف الواحد

لا واتهم الحزم انه متاهل برشاوي عموما هو تصريح للامير محمد بن فيصل بعد مباراة الهلال والاتحاد اللي فاز فيها الاتحاد واحد صفر واللي سجله سعد الحارثي
التسجيل عندي بس اذا طلع قايله تبي تعتزل تشجيع الهلال والا رشاوي رشاوي اهم شي ناخذ بطولات؟

على فكره التصريح مانشر الا في بعض الصحف
اما الصحف اللي مسيطر ادارة الهلال عليها مانشرته بسبب سحب شريط التسجيل من الامير بندر بن محمد عضو شرف الهلال من الصحفيين اللي له كلمته عليهم
وفيه صحفي طلع ذكي وهج بشريط التسجيل ونشره في اغلب المنتديات بمافيها النصر طبعا

واثق

الأربعاء 22-06-1427 هـ, 02:17 صباحاً

نديم كل هذا شاعااااااااااات وبعدين هو نفاه

The Prof

الأربعاء 22-06-1427 هـ, 03:24 صباحاً

ملك الغــاط

الأربعاء 22-06-1427 هـ, 03:48 صباحاً

نديم اولا هذا انتو يالنصراويين

منقهرين لان الهلال ماخذ بطولات

وياليت تحط التسجيل

نـديــم الـغـاط

الأربعاء 22-06-1427 هـ, 08:27 صباحاً

نديم كل هذا شاعااااااااااات وبعدين هو نفاه

هلافيك اخوي فتى الغاط
اسئلك بالله وين قاري النفي بذمتك مو في جريدة الجزيرة والرياض وعالم الرياضه
واليوم كل هذي صحف تميل للهلال واصلا ماجابت اي خبر للموضوع

اللهم انهم طلعو النفي بس
صح؟
وبعدين
لابد ينفي انت تدري وش معناة اطالب اعلى سلطه با التدخل يعني يقصد الملك

يقصد ان الامير سلطان بن فهد ماعندك احد

الاشياء هذي لو سكت ومانفاها يعني تبي تجي فووووووووق راسه
حتى لوكان جده الامير سلطان بن عبدالعزيزولي العهد
شاكر ومقدر

نـديــم الـغـاط

الأربعاء 22-06-1427 هـ, 08:35 صباحاً

نديم اولا هذا انتو يالنصراويين
منقهرين لان الهلال ماخذ بطولات
وياليت تحط التسجيل

شكرا يابطل ماقصرت والله انك قلت اللي ماقدرو الشباب يقولونه

والتسجيل تامر امر

شاكر ومقدر

المخلص

الأربعاء 22-06-1427 هـ, 07:42 مساءً

[quote=المخلص]
إردني .. وجاي يعلمنا كيف .. نحب انديتنا ..

لو يكتب هاللموضوع في جريدة بالإردن ..

كان تلقاه وجهه موطى عليه بالتراب ...
اسلوب رائع جميل الحقيقه اهنيئ المنتديات بشخصك الكريم واسلوبك وطرحك المفيد
الحقيقه انا با الذات منتظرخطوات التطوير منك بأسلوبك الراقي
خصوصا انك مشرف تطوير المنتديات
شخصيا ماعندي استعداد ادخل معك في نقاش طالما اسلوبك باالشكل هذا انا آسف
لكن للأسف ..

ما حولك احد ,,

صرنا ناخذ من غيرنا ..

وصلت أن النصراويين .. يعبرون كلام حتى الأر دنيين ..

للمعلوميه فقط لاغير
جميع الدول العربيه وهنا با التحديد الاردنيين سبقونا با العلم والمعرفه من مفكرين وادبيين واطباء وملعمين
وخير دليل استعارة المملكه العربيه السعوديه للاخوه الاردنيين بشتى المجالات الا اكبر دليل

>>>>>>>>>>>>>>>>>>>>>>>>>>>>>>>

أخي .. نديم ..

أتأسف لك أشد الأسف ..لإني للتو دخلت ردك ..

أول شيء يا نديم ..

كلامك عن أسلوبي وإنه لا يصلح لاسلوب مطور منتديات ..

ولا لإسلوب ..شخص كنت تنتظر مني الكثير ..
أنا بحب
أقولك شيء ..

اولا كل كلامك مجرد وجهة نظر ..

وانا ولله الحمد اعرف وش أقول وردي عليك بهالأسلوب لإنه هو الإسلوب اللي يناسبك ..

بالله عليك ..

انت من ديرة إسمها المملكة العربية السعودية ..

رايح تجيبلي مقال أردني يحش بنادي الهلال ؟؟

هذا يا نديم هو الإسلوب والعقل في عينك ؟؟

أول شيء أنت سعودي يا نديم .. والشيء اللي بيننا ما يطلع لغيرنا .. يا نديم كل دولة مختصة بمشاكلها لنفسها ..

جا يبلي واحد يتكلم على ناس من ديرتك ووطنك وتفاخر فيه وبكلامه ؟؟

هذا مو عيب يا نديم ؟؟

أنت أسلوبك بشكل وانا حبيت غني أرد عليك بنفس الإسلوب المتعصب ..

وهذا غلط مني انا ما اهادن ولا اجامل ..

لاكن انا يانديم ..

هلالي ..

انا ما زعلت لإنك حشيت بالهلال ..

أنت قهرتني بسلوبك الساخر ..

من اهل ديرتك ..

حتى لووو كانت السخريه بيننا كا ممكن لكن تفخر بسخرية غيرك ..

قد مرة شفت كاتب سعودي يتكلم عن نادي الفيصلي أو نادي الحسين ويحرش بينهم ؟؟

ليه لإن كل بوطنه ولا له دخل بالثاني ..

ممكن إنك تنتقد سلطة كروية مختصة بالكورة ..

مثل الإتحاد الآسيوي او الفيفا ..

لإنهم هم اللي بالمجهر وهم المسؤولين عن هالشيء ..

يا نديم .

إنت كان لك توقيع حذفه الاخ مدمن ؟؟

تدري وش كاتب فيه ..لكن حبيت أذكر الاخوة ..

لا للإتحاد السعودي .

لا لرئيس الهلال

لا لالالال..

خلينا في النقطة الاولى ..

لا للإتحاد السعودي ؟؟

يعني لبن سعود رئيس الإتحاد السعودي ؟؟

الأمير سلطان بن فهد .

لو إنك عند كلمتك وصادق ..

ما رحت تتكلم في المنتديات وبإسم مستعار ,,

يا راعي المنطق ..

ليه ما تروح تودي التوقيع لسلطان بن فهد الله يحفظه ..بإسمك الثلاثي ؟؟؟

وتعلن له هالشيء ؟؟

ولا بس جيد بالكلام من وراهم ..

أنت تتكلمعن ناس يحكمونك يا نديم ..

تعرف إن هالبلد محسودة يا نديم ..

وكل يمسك عليها ..

مهما كان لا ندخل مشاكلنا لا بالذمة ولا بالشرفولا بالرجولة ..

في أمور وخفايا لا انت ولا انا نفهم فيها ..

ولا ندخل حكامنا ونحترم أحفادهم ..وأبنائهم ..

ولا نسمع منهم إلا الكلمة الطيبة ..

عشان كل العالم يا نديم .

تدري إنا شعب حول حكومتنا ..

نادي الهلال يا نديم ..

زعيم لكل الاندية ..

شاء من شاء وابى من أبى ..

وانت تفرغ لمعسكر برشلونة ..مع فيصل سيف .. ومحيسن الحارثي ..
وتابع أخبار فريقك ..

وأترك عنك حركات المهايط ..

لإنها ماراح تنفعك ..

أرجوا إنك ما تكون زعلت مني ..

والإختلاف بوجهة النظر لا يفسد للود قضية ..

نـديــم الـغـاط

الأربعاء 22-06-1427 هـ, 09:07 مساءً

[QUOTE=نـديــم الـغـاط]
>>>>>>>>>>>>>>>>>>>>>>>>>>>>>>>
أخي .. نديم ..
أتأسف لك أشد الأسف ..لإني للتو دخلت ردك ..
أول شيء يا نديم ..
كلامك عن أسلوبي وإنه لا يصلح لاسلوب مطور منتديات ..
ولا لإسلوب ..شخص كنت تنتظر مني الكثير ..
أنا بحب
أقولك شيء ..
اولا كل كلامك مجرد وجهة نظر ..
وانا ولله الحمد اعرف وش أقول وردي عليك بهالأسلوب لإنه هو الإسلوب اللي يناسبك ..
بالله عليك ..
انت من ديرة إسمها المملكة العربية السعودية ..
رايح تجيبلي مقال أردني يحش بنادي الهلال ؟؟
هذا يا نديم هو الإسلوب والعقل في عينك ؟؟
هلا فيك المخلص انا اولا واخيرا اقول كلمة تراب ماتليق بشخص يحمل صفة مشرف تطوير
الشي الثاني والاهم انا جايب المقال من شخص كاتب في منتدى النصر يعني يحمل صفة عضو
الشي الثالث انت تجاهلت الاهم وركزت على المهم
الاهم وش قال هل اللي قاله افتراء وكذب وتزوير وخلق للمشاكل
طبعا لا ارجع واقراء وركز وراح تلقى كل كلمة كتبها من الواقع
أول شيء أنت سعودي يا نديم .. والشيء اللي بيننا ما يطلع لغيرنا .. يا نديم كل دولة مختصة بمشاكلها لنفسها ..
جا يبلي واحد يتكلم على ناس من ديرتك ووطنك وتفاخر فيه وبكلامه ؟؟
هذا مو عيب يا نديم ؟؟
الحمدلله ولي الفخر واعتز اني مواطن سعودي
وكيف اللي بينا مايطلع لغيرنا انت ناسي اننا في عصر الانترنت
وين العيب فيه يا المخلص وصحافتك جايبه محمد بينيس كاتب( اردني الجنسيه )الكاتب في جريدة عالم الرياضه ومازال يكتب وهو حش وتقطيع في احد ابناء الملوك عبدالرحمن بن سعود الله يرحمه
وحش وتقطيع با الانديه كلها الا الهلال والا ماتدري والا عشانه يحش ويقطع با الكل الا الهلال
مصيبه اذا تدري والمصيبه اعظم اذا ماتدري يعني اانا مواطن عادي في منتدى مايتعدى زواره 5000 شخص تحاسبني ولاتحاسب شخص يقراله ملاييين؟
أنت أسلوبك بشكل وانا حبيت غني أرد عليك بنفس الإسلوب المتعصب ..
وهذا غلط مني انا ما اهادن ولا اجامل ..
لاكن انا يانديم ..
هلالي ..
انا ما زعلت لإنك حشيت بالهلال ..
أنت قهرتني بسلوبك الساخر ..
من اهل ديرتك ..
انا ماقلت لا تجامل ولكن الف والف مليون كلمة غير تراب تقدر تكتبها
وانا ماقهرتك ولا شي بس الكاتب مثل ماقت قال اشياء من واقع وتذكر الاشياء اللي صارت العام وانت تعرف
ومن ناحية انك هلالي لك حق في ميولك واخوي هلالي يعني بكره اخوي عشانه هلالي والا ابوي!!؟
حتى لووو كانت السخريه بيننا كا ممكن لكن تفخر بسخرية غيرك ..
قد مرة شفت كاتب سعودي يتكلم عن نادي الفيصلي أو نادي الحسين ويحرش بينهم ؟؟
ليه لإن كل بوطنه ولا له دخل بالثاني ..
ايه شفت وقريت وقفت الصاحفه مع الفيصلي الاردني العام ضد النصر وهي صحافة وطني العزيز على قلبي الجزيرة والرياض كيف جايبين حكم يقول هدف الحارثي تسلل ضد الفيصلي والفيصلي له هدف ملغي بحجه التسلل
طبعا في الجزيرة الكلام هذا اذا انت تقراء تنسى انا لا اقراء ولا انسى والحمدلله احتفظ بذاكره قويه اللهم لا حسد
ممكن إنك تنتقد سلطة كروية مختصة بالكورة ..
مثل الإتحاد الآسيوي او الفيفا ..
لإنهم هم اللي بالمجهر وهم المسؤولين عن هالشيء ..
يا نديم .
وش دخل الاتحاد الاسوي في جماهير تقول لجماهير الاتحاد كشب كشب والا كلمات العنصريه والا الفيفا المسؤل الاول والاخير عنها الاتحاد السعودي
إنت كان لك توقيع حذفه الاخ مدمن ؟؟
تدري وش كاتب فيه ..لكن حبيت أذكر الاخوة ..
لا للإتحاد السعودي .
لا لرئيس الهلال
لا لالالال..
من قالك ان اللي خذف توقيعي الاخ مدمن غير صحيح الكلام هذا ومعلومتك غلط
انا اللي حذفت التوقيع وراجع الكلام اللي انا كتبته مكان التوقيع وليه شلته وعشان من
خلينا في النقطة الاولى ..
لا للإتحاد السعودي ؟؟
يعني لبن سعود رئيس الإتحاد السعودي ؟؟
الأمير سلطان بن فهد .
لو إنك عند كلمتك وصادق ..
ما رحت تتكلم في المنتديات وبإسم مستعار ,,
يا راعي المنطق ..
مومعنى اني اكتب لا للاتحاد السعودي اقصد الامير سلطان بن فهد
خلك اكبر من كذا وافهم المقصد واضح وصريح تدري ان الامير سلطان يقف على هرم الرئاسه يعني ما يلتفت فلان وقع والا فلان قال والا ماقال
المقصد اعضاء الاتحاد السعودي الهلالييين المدلج والخضيري وبن ناصر والدبل
ونواف بن محمد والقائمة طويله
ليه ما تروح تودي التوقيع لسلطان بن فهد الله يحفظه ..بإسمك الثلاثي ؟؟؟
وتعلن له هالشيء ؟؟
لو اضمن ان الامير سلطان يرضيه الاشياء هذي رحت وقلتها له لكن ادري واعرف انه مايرضى ولا يقبل با الاشياء هذي والدليل الاشياء اللي قاعده تصير من تغيير في اعضاء الاتحاد السعودي كل فتره
ولا بس جيد بالكلام من وراهم ..
أنت تتكلمعن ناس يحكمونك يا نديم ..
تعرف إن هالبلد محسودة يا نديم ..
وكل يمسك عليها ..
مهما كان لا ندخل مشاكلنا لا بالذمة ولا بالشرفولا بالرجولة ..
في أمور وخفايا لا انت ولا انا نفهم فيها ..
اعرف اني اتلكم عن ناس تغلط بعيد عن الحكام في وطنا لانهم ناس مايرضون با الغلط
يابو الشباب ترانا في موضوع يخص الكورة يعني بعيد عن السياسه والبترول
واذا انت ماتفهم انا الحمدلله افهم واعرف اتلكم عن مين
والاسرة الحاكمه بجميع رجالها بعيد عن الشبهات

ولا ندخل حكامنا ونحترم أحفادهم ..وأبنائهم ..
ولا نسمع منهم إلا الكلمة الطيبة ..
عشان كل العالم يا نديم .
تدري إنا شعب حول حكومتنا ..
نادي الهلال يا نديم ..
زعيم لكل الاندية ..
شاء من شاء وابى من أبى ..
وانت تفرغ لمعسكر برشلونة ..مع فيصل سيف .. ومحيسن الحارثي ..
وتابع أخبار فريقك ..
وأترك عنك حركات المهايط ..
لإنها ماراح تنفعك ..
أرجوا إنك ما تكون زعلت مني ..
والإختلاف بوجهة النظر لا يفسد للود قضية ..

طبيعي هم حكامنا والله يخليهم لنا والله يعزهم ولا يعز عليهم
وحنا معهم على الحلوه والمره
نادي الهلال زعيم معليش هذي قل غيرها ورح اسمع شريط التسجيل وتاكد ومن وين جتكم الزعامه
الا عاد تبيها برشاوي ومساعده هذا شي ثاني
واترك عنك المهايط ومراح تنفعك
هذا تهديد؟
اذا هو تهديد انت تعرف ان الرجال ماتهدد ولا تهدد والتهديد متروك لمن؟
والله لو النصر يجيب اللي يجيب اذا الله ماكتب بطوله مراح ناخذها
واذا كتبها نبي ناخذها بلاعبين درجه الشباب
وفيصل سيف ومحس الحارثي مالقو حكم يساعدهم اذا طاح الواحد منهم جاه بلنتي والا يلغي هدف عليهم بحجه تسلل وهو صحيح زي جيرانهم وانت تدري وش اقصد
وانصحك تروح تسمع التسجيل وانت تعرف وتحكم بنفسك
وصحيح الاختلاف بوجهات النظر مايفسد للود قضيه
لكن لغة التهديد ماعجبتني
وياليتك قريت مابين السطور في الموضوع وعلقت ليش الهلاليين قلو كذا وسوو كذا عشان اعرف انك فاهم ولك منطق سليم
با العكس رحت وركزت على الكاتب يعني ماعندك سالفه كل اللي قريته عاجبك وصحيح بس الكاتب اللي ضيق صدرك؟

المخلص

الجمعة 24-06-1427 هـ, 12:51 صباحاً

على العموم ..

انا ما راح اشغل نفسي بمجادلة انا بغنى عنها ..

انا أبترك الحكم للاخوة القراء ..

وبعدين حبيت كيف تقولي إن آل سعود بعيدين عن الشبهات وانت تقول أعضاء الإتحاد ..كالمدلج والخضيري .....ونواف بن محمد ؟؟؟؟؟؟؟؟؟؟؟؟؟؟

هما آل سعود بعيدين عن الشبهات ..

سبحان الله كلام متناقض ؟؟؟

..............

وبعدين في هالمنتدى ..

ما في أحد مدير على احد كلنا إخوان ..

والصح هو اللي يبقى غصب علي وعلى مدمن نت وعلى أبو نواف وغيرهم ..

ولا يحقلي أهدد ..

والمهايط ..كله واضح من كلامك ال أولاني ..

تحيتي لك يالغالي ..

نـديــم الـغـاط

الجمعة 24-06-1427 هـ, 04:11 صباحاً

على العموم ..
انا ما راح اشغل نفسي بمجادلة انا بغنى عنها ..
انا أبترك الحكم للاخوة القراء .
كلاكيت ثالث مره
هلا فيك المخلص
فاقد الشي لا يعطيه
لذلك فضلت الانسحاب وعلى فكره انا اعتبرها شجاعه
والشي الثاني لانك تركت اللي بين السطور وركزت على اسم الكاتب
وياليتك جاوبتني على الكاتب في صحيفة الشرق الاوسط
وبعدين حبيت كيف تقولي إن آل سعود بعيدين عن الشبهات وانت تقول أعضاء الإتحاد ..كالمدلج والخضيري .....ونواف بن محمد ؟؟؟؟؟؟؟؟؟؟؟؟؟؟
هما آل سعود بعيدين عن الشبهات ..
سبحان الله كلام متناقض ؟؟؟
انا من اول قلت ماعندك سالفه والان تثبت للمره الثالثه ان ماعندك سالفه
وش دخل نواف بن محمد باال سعود
صح امير ولكن اسمه
اسمه الكامل والصحيح
الامير نواف بن محمد بن سعود الكبير
ولك امثله كثيره
الامير الدكتور عبد العزيز بن محمد بن عياف آل مقرن امين مدينة الرياض
والامير الشاعر محمد ال ابراهيم
مجرد تصحيح معلومه لك يمكن تستفيد منها مستقبلا
..............
وبعدين في هالمنتدى ..
ما في أحد مدير على احد كلنا إخوان ..
والصح هو اللي يبقى غصب علي وعلى مدمن نت وعلى أبو نواف وغيرهم ..
ولا يحقلي أهدد ..
والمهايط ..كله واضح من كلامك ال أولاني ..
تحيتي لك يالغالي ..
وانا ما قلت كلمه وحده فيها مهايط با العكس كل اللي اقوله انك تركت مابين السطور
اقصد المضمون اللي يحمله الموضوع ورحت تركز على دولة الكاتب واسمه
على العين والراس وكلنا عيال ديرة وحده واخوان ومانختلف في امور تهمنا كاجماعه وحده ننتمي للغاط
لكن هذي طبيعه الميول الرياضيه لكن الاهم انها ماتتعدى الحدود وتنقلب خلافات اساسيه
شاكر ومقدر ومرحب بمداخلتك وياليت تركز على المضمون وتترك الاسامي

المتهور

السبت 25-06-1427 هـ, 11:46 مساءً

مشكووور اخوي و ما قصرت..

نـديــم الـغـاط

الأربعاء 29-06-1427 هـ, 12:49 مساءً

مشكووور اخوي و ما قصرت..

العفووو خيووو نورت الموضوع