أدخل... أضرب السبحة و عطنا القـــــــاف

[الجنتل]

~:: السلام عليكم و رحمة و بركاته ::~
==============================


حبيت أحط هذا الموضوع ... وتم تثبيته ..

و كما وضح العنوان ( أضرب السبحة و عطنا البيت ) ..

يفضل تكون الأبيات منك ..

لا يزد عن بيتين ثلاث ..

و لا مانع أن تنقل بيتين و يفضل أنك تكتب الشاعر أو الشاعرة ..

==================================================

مثال توضيحي ::

تماديتـي وأنـا مثـلـك تمـاديـت بهـجـر وبـعـاد
وكــلٍ مـثّـل عـنـاده خـفــوقٍ ثـابــتٍ صـامــد


وإذا عندك بعادي عيد ترى عندي جفاك أعيـاد
وعسـى طـول الجفـا منـي يليّـن قلبـك الجـامـد


أبضحك وأظهر البسمة ولو إن الجروح اجـداد
وترى قلب الحريقة ضو ولو وجه الحطب رامد

للشاعر :: حامد زيد بن سعدون بن فارس العازمي

[الشمالي]

مشكور اخي الجنتل على هالموضوع وان شاء الله الرد القادم من كتاباتي


قليل الوفا ماتامن النـاس مـن غـدره
كما الفلّه اللي خاربٍ ساسها الحـدري


تعلّمت جني الورد من شوكة السـدره
ولكن غرابيل الدهر ضيّقت صـدري


حبيـبٍ يحبّـك بادلـه بالغـلا وادره
ترى الحب مايستحمل البوق والغدري



للشاعر هادي الرزقي

[الجنتل]

شاكر لك تفاعلك أخي الشمالي ..

و باين تفاعلك فيذا القسم ..

يــالنور يالغالي أبشكيلك الحال &&&& و بنت أخيبك يــا وسيع البصيره
يـــا محلا البراد يـــــا كنت رحال &&&& في تلعتا ً و السيل تسمع هديره
بــه الخزام يلي مــن الجال للجال &&&& و قليقلال و الشيح و ربلك كثيره

للــ شاعر ::: عقيل الشمري <<< إذا ماكنت غلطان ..

[الشمالي]

الشكر لله ثم لجميع الاخوان في هالمنتدى والصراحه تفاعلي فيذا القسم هو باعتباره من انشط الاقسام فيذا المنتدى


نسيم الليـل أبشكيلـك عذابـي يانسيـم الليـل
خلاص الصبر عذبني ولا أستحمـل معاناتـه

حياتي كلها لوعـه أقاسـي بيـن هـم وويـل
أقاسي هجـر محبوبـي وقلبـي ذاق لوعاتـه

أقاسي هجر محبوب(ن) جرح قلبي وهد الحيـل
لقيت القلب من زود الجفـا يغـرق بحسراتـه

للشاعر اسير الهوى

[عاشق المراجل]

يقول: من شرّف على روس الاقذال

راس الطويل اللي نبا من رجومه

رجمٍ براسه للمشاكيل مدهال

ميقاع سمح الريش من عقب حومه

فكّرت بالدنيا.. بالأقفا والأقبال

تضحك وتبكي بالغاتٍ رسومه

وقامت همومي بالصناديق تجتال

وزفرات بانت بالضماير رقومه

محمدالاحمد السديري

[الجنتل]

الله الله .. واصلوا .. جعلنا ما عدمناكم .. يالغالين ..

يــا مـــل قلبا ً لا ناظرت وجهه بشوشي **** يتــرك سماتـــا ً .. للخاطــــر و شدهــا
يــا لليل عد نجومك و أهطلها رشوشي **** يهطلهــا للـــي معزتــــه بـــالقلب لبدها

بوعزيز شقاني غيابك وبقيت خروشي **** وينــك عنـا .. ماعدت بغيابك في حمدها
ولهــت بغيابك و الدمعة فــي رموشي **** ماوصلت القلب.. و أنـــت معطي وعدها

يــــا أحمد أتصل وراك للفكر تشوشي **** طال أنتظارك يقوله : القلب // من بعدها
القلب لك لاح و العين تنتظر تشـــوفي **** شوف الغلا // طويل الغيبة فـــي سعدها

في : أحمد بن عزيز اللهيبي الحربي..
الشاعر :: أحمد العيسى ( بو طاري ) ..

[الشمالي]

عـزمت اتلحف بالليالي وبرد الجـوع
وإذا يبست أطراف أخضر الجرح شبيته


علشان راسي يجي في حياتي مرفوع
على كل هامه وإن قسى الوقت مارخيته

كلمات ابو سلطااااااااااان

[الجنتل]

الغـاط ديرتي و الراس مرفوع &&&& شرف لنـــا و المكانة رفيعة
أقوله من صدق فالقلب مزروع &&&& حاكما ً يامر و حنـــا نطيعة
====================================
الشاعر :: أحمد العيسى

[الشمالي]

والرجل لو مايحاسب كل من كزه0000 يصير في يدهم مثل اللعابيبي

اللي يلزك على درب الخطأ لزه00000 لو كان ذيب شجاع وله عويلي

خلك شجاع ولك عقل ولك عزه00000 تمشي على المرجله وتجنب العيبي

[الجنتل]

صح ألسانك أخوي الرومنسي .. ( لمن القصيدة !!! )


------------------------------------------------------------------------------------

يا كثر حبي لك و يا كثر مغليك...
و يا كثر ملك في ضميري معزه...
................................................أنسى حياتي بس ماني بناسيك...
................................................حبك بوسط القلب محد(ن) يهزه...
أموت و أحيا كل ما حل طاريك...
واااهني قلبي دام قلبي يعزه...
................................................قلبً ملكته يا هوى البال يفديك...
................................................خذه و حطه وسط جوفك و عزه...

------------------------------------------------------------------------------------------------

الشاعر :: مجهول

[خشم العرنية]

اختر من الاصحاب حر يهدٍ ... في ساعة الضيقات يعجبك هده
يفوح ريحه ريح مسك وندٍ ... ماتوقف الصعبات ابد ضــــــده
،،،
الشاعر / مشعل الشيباني

[الشمالي]

سلطان شفت الموت مـره ومـره
والثالثـه يـا ميـر كشـر بنابـه

والله ماليـبـه بـلانـي بـشـره
زودٍ علـى خيلـه يجمـع ركابـه

ولو هو ظهر لي في صحاصيح بره
نـذرٍ علـي انـي لبيـن صوابـه

محمد الأحمد السديري

[الجنتل]

ودي بشـب النـــار والجـو لي هادي #### فـي صحصحن توه من الوسم ممطور
هـــذا هـــــــو بالـي و غايـة مرادي #### ومعـــــي مثل شرواك والبال مسرور
نبعـد عـــــن الديرة و ضــــو البلادي #### في موقع(ن) مابه من الناس جمهــور

الشاعر ولد العم ..:: عبدالرحمن بن صالح العيسى ::..

[ابو فلان]

هلا باهل الغاط ياهلا بهم===تهليه ما تهلى الا لهم
هم اهل قوله هلا واسلافهم === توراثو الطيب عن اجدادهم
يهفى الجوع لمن زارهم === ويهفى الخوف لمن شافهم
هم هماليل الهموم لمن خانهم === لاشك هم بعد الله ينشكى لهم
هذي هي ابيات قلتها بهم === وهي مهيب شي يذكر وفا لهم
وهذي صلاة على نبينا ونبيهم === عد ما هب الهبوب من شمالهم

كلماتي

[الجنتل]

صح ألسانك يالشاعر لا عدمناك.. و ننتظر بوحك فيذا..

يا مناصر لي قلي وراك متغلـــي
حتـــــى شوفتك تبخل بهـــا اليوم
.......................................... دمعة على قلبك و دمعة بـي تملــي
.......................................... لا سؤال تجبر به الخاطر وبـه ألوم
هـذي أبياتي أرسلهالك خلـــــــي
يقول : اللوم يومك أهديك اللوم

الشاعر // أحمد العيسى.. بوطاري
----------------------------------------

الصفحة وقفت يا حبايب.. وين التفاعل

وينك يالشمالي..!

[ابو فلان]

ودي بشـب النـــار والجـو لي هادي #### فـي صحصحن توه من الوسم ممطور
هـــذا هـــــــو بالـي و غايـة مرادي #### ومعـــــي مثل شرواك والبال مسرور
نبعـد عـــــن الديرة و ضــــو البلادي #### في موقع(ن) مابه من الناس جمهــور

الشاعر ولد العم ..:: عبدالرحمن بن صالح العيسى ::..
هذي مجاراة للشاعر عبدالرحمن بن صالح العيسى
شبة النار يالجنتل زينه مع الرقادي### في نقره ما وطتها كفــــرات ولا بها جرور
لاشك بها راحة البال والسعـــــادي ### خص لا صار معك الي خلى الرمل مقهور
جيب لاندكروز فكسـار والقيرعادي ### والهوا بالكفر مابه الا عشر وكــــــسور
في نفود الغاط ولا بوسط الـــبوادي ### ومعك سديد الـــــــــــــــــــــراي والشور
ولا معك حبيب الروح ابوالنهـــادي ### يشفي غليلك من الدنــــــيا وهو مسرور
من عقبها ماعاد تفارق الرقــــادي ### والهم ينزاح عنك وتعـــــــــــيش بقصور
وصلاة من ربي وسلام مهوب عادي ### على نبيه عد ما ما انكــــتب من سطور
وسلامتك

[الجنتل]

صح ألسانك ابو الوليد.. أنا أشهد أنك شاعر..

الحـــب أستولـــى علينـــــا و طار ### والشوق يلي على دروبه يبحر
ترى دربك عوج يامن له بأصرار ### لا تغرك دنيا الأمل يلـــــي تعبر

الدنيا شقى لا بغيت تعبــــــر الغار ### بداية ولــــه و نهاية حلمً يغدر
أترك حلمك وخل عنك كــل أغرار ### هذا وسواس في كل تغرة يعبر

الشاعر // أحمد العيسى ( بوطاري )

-------------------------------------------

لا عدمناكم.. واصلو..

أبو الوليد الله لا يهينك..

[ابو فلان]

صح ألسانك ابو الوليد.. أنا أشهد أنك شاعر..

الحـــب أستولـــى علينـــــا و طار ### والشوق يلي على دروبه يبحر
ترى دربك عوج يامن له بأصرار ### لا تغرك دنيا الأمل يلـــــي تعبر

الدنيا شقى لا بغيت تعبــــــر الغار ### بداية ولــــه و نهاية حلمً يغدر
أترك حلمك وخل عنك كــل أغرار ### هذا وسواس في كل تغرة يعبر

الشاعر // أحمد العيسى ( بوطاري )

-------------------------------------------

لا عدمناكم.. واصلو..

أبو الوليد الله لا يهينك..
لاهنت اخوي والحقيقه اني منيب شاعر بقدر ماانا مستمع للشعر و يحصل مني احيانا مجارات لبعض الاقارب والاصدقاء وهذي ايضا مجاراة للشاعر احمد العيسى

انا اشهد انك ضربت الصميم بمسمار### وجبتها جيبه قناص منها الحسود يقهر
ترى صحيح ان الهوى والحب غــدار ### والي ابحر ببحوره لا ينوم ولا يسهر
تجيه همـوم ثقيلات و خفيفات وكثــار ### يشقى بدنياه وهو لا يقواها ولا يصبر
نصيحتي لمن هوى الشوق لا يحتــــار ### يتبع امر ربه و نبيه ووالديه ويصبر

وتصير عقبها دنياه من بحور لانهــار ### وهاك الوقت يرفع ثوبه عن الما ويعبر
هذا شوري وراي ونظرتي ياهل الــدار ### والمعذره ترا قصدي به ان الكسر يجبر
وصلاة ربي وسلامة عد همال الامطار### على نبي جاب لنا الحق وثم به اخبر


وسلامتكم

[الجنتل]

لاهنت ابو الوليد.. لاعدمناكـ يا شيخ..
-------------------------------------------

وصفت أوصافـا ً توصفهـا المواصيـف #### ثـمً صفيتـهـا تصفيـفـا ً يصففـهـا
وصفت أهل " العيسى"وضميتها فالتصافيف #### صفيت فعايلها و صفـا صافـي وصفهـا
صفالي من صفا الصافي عـدة تصافيـف #### من صافيه ليـا أصطفيـت مـا ندرهـا
هذا قولي و على القول أثبات و تعاريـف #### طيبها وسمً على القلب يمحيهـا قدرهـا
أمدح " العيسى " مدحا ً يبغالـه تكاليـف #### مدح زين الوصوف ليا صفيـت مابدرهـا
.....................


الشاعر : بوطاري العيسى ..

[ابو فلان]

لاهنت ابو الوليد.. لاعدمناكـ يا شيخ..
-------------------------------------------

وصفت أوصافـا ً توصفهـا المواصيـف #### ثـمً صفيتـهـا تصفيـفـا ً يصففـهـا
وصفت أهل " العيسى"وضميتها فالتصافيف #### صفيت فعايلها و صفـا صافـي وصفهـا
صفالي من صفا الصافي عـدة تصافيـف #### من صافيه ليـا أصطفيـت مـا ندرهـا
هذا قولي و على القول أثبات و تعاريـف #### طيبها وسمً على القلب يمحيهـا قدرهـا
أمدح " العيسى " مدحا ً يبغالـه تكاليـف #### مدح زين الوصوف ليا صفيـت مابدرهـا
.....................


الشاعر : بوطاري العيسى ..

صح لسانك ولسان قايلها

[فتى الوسيعة]

صح لسان كل من شارك

[فتى الوسيعة]

ما شاء الله عليكم

انا ما اقدر لا احفظ ولا اكتب شطر واحد بس

[ابو فلان]

اخوي فتى الوسيعة جرب مرة ومرتين وثانية ورابعة وحاول قدر استطاعتك ، ويبدو لي ان لديك امكانية كتابة قصيد وتنقصك الثقة قليلا

[الجنتل]

صح بدنك ياأبو الوليد.. لاهنت يالغالي

و صح بدنك أخوي فتى الوسيعة.. و أقولك :

دامك دخلت الساحة أضرب القاف #### و لك مني يافتى الوسيعة من يردلك جميلك
------------------

و ننتظر التفاعل ياجماعة...

[ملك الورد]

مشكورين للموضوع


هيض القلب تالي الليل سبع عوى ****** يوم شرف على المرحان جااااب الونين

قام يقنب بصوته بايت الــــقوى ******* مادرى وين شدوا والعرب راااااحلين



وسلامتكم

[عبدالمجيد بن محمد السليمان]

حيا الله الربع كلهم ..

ونبي نجدد وننشط هالصفحه بعد ..

وأنا ببدأ ..

يامرحبا بالغاط حي شعارها
....................أرحبو والتحيه للرجال المسلمين
أطرحو القيفان وشبو نارها
...................وأبدو بالرحمن وخلو الشياطين

نبي تفاعل ياجماعه ..

عبدالمجيد ..

[عبدالكريم بن سليمان السليمان]

يا هلا بولد عمي ...




خذها :


يا هلا بالذيب قنص حبارها

.................................. يا قانص القاف شاعر الثقلين ( الجن والأنس )

خذ قافي وأسـتـعـد لـركابــها

...................................هـذه تـحـيـة لـلـرجـال المخلصين

[عبدالمجيد بن محمد السليمان]

أستلم ..

أبنشدك عن ناقةً تاه حوارها
.....................أهملوه وضيعوه الرعاه النايمين
والمعاني واضحه لمنهو دارها
...................والقوافي باينه للرجال الفاهمين

أسلم أسلم ..

[عبدالكريم بن سليمان السليمان]

هييييييييييييييييييييييييه خلوهاااااااااااااااااا:

الحوار ما ضاع يا خرارها

................................. والمشكلة بعيال قومه محتمين

وشي دارا داعيتن زوارها

.................................. من ركاك القوم يالعقل السمين

[عبدالمجيد بن محمد السليمان]

هههههههههههههههههههههههههههههههههه

أستلم

الديره المرضيه حي نوارها
..................وحي الخزامى والنفل والياسمين
ياحي مرسولك وجيب أخبارها
......................فيها الحباري ذايره للصايدين

أسلم أسلم

[عبدالكريم بن سليمان السليمان]

خخخخخخخخخخخخخخخخخخخخخخخخخخخخ

طيب طيب ...

أستلم :


من يسأل الطرقي غير سكانها
................ يا قانص القاف لا تطلق السين
خلـك بـعـيـد واوزن فـرارهـا
................ لا تطلق البندق وحولك كمين :ak47: :ak47: :ak47:

[الجنتل]

من يسأل الطرقي غير سكانها
................ يا قانص القاف لا تطلق السين
خلـك بـعـيـد واوزن فـرارهـا
................ لا تطلق البندق وحولك كمين
========

ههههههههههههههههههههههههههه الله يصلحكـ
صح ألسانكـ ياشاعر يا قانص القاف..

أخوي.. أنا سمني ( قــصّاد ).. حتى أضبط الوزن.. طال عمركـ..
لاهنت يالغالي..

[عبدالكريم بن سليمان السليمان]

من يسأل الطرقي غير سكانها
................ يا قانص القاف لا تطلق السين
خلـك بـعـيـد واوزن فـرارهـا
................ لا تطلق البندق وحولك كمين
========

ههههههههههههههههههههههههههه الله يصلحكـ
صح ألسانكـ ياشاعر يا قانص القاف..

أخوي.. أنا سمني ( قــصّاد ).. حتى أضبط الوزن.. طال عمركـ..
لاهنت يالغالي..


حيالله الجنتل

هذه الرديه بيني وبين ولد عمي عبدالمجيد شكلك ما شفت الصفحة الثانية ..


ما عليش ما فهمت كيف أسميك قصاد يعني قصدك بالرد أسميك قصاد .....


ان كان هذا قصدك ابشر ما طلبت شي بس انت عطني مطلع الرديه وابرد عليك ..

[الجنتل]

خخخخخخ
لاهنتم.. واصلو لاعدمناكم.. الصفحة منورة بلقياكم..

فكري أنكـ تكلمني...
..محاورة جميلة..
يعطيكم العافية