هـذا بيـانـه يـامـدّور بيـانـه

[الشمالي]

صحيح بعض الناس عيبـه لسانـه *****تلقاه فـي سـوق المناقيـد جـلاب
وليا حكى عن نفسـه يعـز شانـه *****وان عودت للصدق كـذاب كـذاب
ولا صار مالك بين ربعـك مكانـه*****وش فايدة مكانتـك بيـن الاجنـاب
ولو المراجـل بالحكـي واسردانـه*****كلن حكى حتى يحسّب لـه حسـاب
والرجل لامن صار ثقـل ورزانـه*****لامن سكت حكمه ولامن حكى صاب
والرجل لامن صار خيرة اخوانـه ***** لامن دعي وقت اللوازيـم ماغـاب
وكم واحدٍ يمدحـك وانتـه اوزانـه***** ولاغبت عنه يلتـوي كنّـه الـداب
ايقولـه اللـي ذاق لوعـة زمانـه ***** صغير سن وجرّب الوقت وانصاب
هـذا بيـانـه يـامـدّور بيـانـه ***** وقد قيل مايفهم سوى روس الاللباب
ابوسلطااااااااااااااااااان

[ذيب نجد]

صح لسانك اخوي ابو سلطاااان

[الشمالي]

صح بدنك اخي ذيب نجد

[مدمن نت]

ما أحلى أشعارك وما أعذبها أخي الشمالي ..

أرجو أن لا تنقطع عنا وان تستمر وترتقي إلى الأمام ..

محبك :: مدمن نت ::

[الشمالي]

حياك الله اخي مدمن نت واشكرك من اعماق قلبي على كلمات الثناء والتقدير لشخص لازال في بداياته ولا يزال يحبو في هذا العالم الكبير

[مدمن نت]

العفو أخي الحبيب الشمالي ،،

وجزاك الله خيراً على ماقدمته لنا من إبداعات ..


محبك :: مدمن نت ::

[فـــوكـــس]

مشكوور ياخوي يعطيك العافية

[الجنتل]

صح السانك ..

جعلنا ما فقدناك ..يا غالي ..

[ابوعثمان]

ولا صار مالك بين ربعـك مكانـه*****وش فايدة مكانتـك بيـن الاجنـاب
ولو المراجـل بالحكـي واسردانـه*****كلن حكى حتى يحسّب لـه حسـاب

]صح لسانك
ومشكور يالغالي على هذي الأبيات

[الشمالي]

صح بدنكم اخواني الجنتل واخي ابو عثمان واخي فوكس وشكرا لمروركم وشرفني ذلك

[الرومنسي]

صح لسانك أخوي الشمالي على القصيدة الحلوه
ماشفت أجمل منها


تحياتي~~الرومنســــــــــــــــــتي~~

[الشمالي]

حياك الله اخي الرومنسي وشرفني مرورك الكريم

[سلطان]

السلام عليكم ورحمة الله وبركاته
اخوي الشمـآلي صح لسـآنك والله يعطيك العافية قصيده رائعة من نايحة الوزن والتسلسل ابداع ماشاء الله عليك
ولكن عندي ملاحظة بسيطه إذا تسمح لي احس فيه بعض الابيات زايد له حروف مثل الواو والألف ,, هذي مجرد ملاحظه بسيط والعين ما تعلى على الحاجب

ولكم تحياتي

أخوكم :: سلطان ::

[الشمالي]

حياك الله اخي سلطان وشرفني مرورك ونقدك البناء وهو محل اهتمامنا ومراعاته مستقبلا فنحن لانزال في بدياتنا وهي محاولات فالشعر كما تعلم وانت خير العارفين بحوره عميقه وما كل من قال بيت ولا بيتين صار شاعر فهناك شعار نتمنى لو نصل الا ربع ربع ماوصلوا اليه