ياناس ياعالم طريق الزلفي-الغاط يحصل فيه موت!!.

[الـــنـــادر]

السلام عليكم ورحمة الله وبركاته
كيف الحال
موضوعي اليوم عن طريق الزلفي-الغاط
هذا الطريق مثل ماانتم تعرفون حصلت به حوادث شنيعه
جدا جدا
الطريق يمر به شاحنات الله يستر منها
قبل اسبوع تقريبا وانا راجع من الزلفي بعدما تعديت مليح
مرت شاحنه مقابله امامي وبسرعه دخلت للمزرعه وبغيت اصتدم بها
وحادث سليمان العمران ومعه ماطر دويلان الذي توفى بالحادث بسبب شاحنه متعطله على الطريق
)(الله يرحمه)(
وحادث سيارة الكابرس وسيارة الايسكريم
والذي كان
الكابرس راجع من الزلفي بعدما تعدى مليح اصطدم بسيارة الايسكريم
من الخلف
لانه لم راه الا من قريب حيث لم يشغل النور الخلفي او انه عاطل
والحمدلله سلم منها ولكن بكسر برجله

والحوادث كثرت على هذا الطريق الخطر

فياليت نجد الحل..

تحياتي..

[AbdulRa7man]

طريق الزلفي صار فيه حوادث كثيره وراحت فيه ارواح ناس غالين علينا..
بس انت الحين تطالب بلدية الغاط انها تزينه ؟!!


الحين شف شوارعنا وشلون صايره وكم لهم يشتغلون فيها :) , وابشرك اول ما يخلصون منها يروحون يحفرون من جديد ...

يعني طريق الزلفي لاتفكر فيه الحين
:)

[المتفائل]

أشكر أخي النادر على حرصه وهذا واجب على كل مسلم
لو أحصيت الحوادث التي صارت فيه لطال المقام لكن مالحل؟
الحل : هو تكاتف أهل الغاط واهل مليح واهل الزلفي ويكونون يدا واحده وكل أهل بلد يتنزلون بزيارة محافظهم ويحثونه على السعي لحل هذه المشكلة . (وجهة نظر)
لو نظرنا إلى طرق مدن القصيم لوجدنا ما يبهر العقول ( رصف وإنارة وسايدين ....الخ) بريدة إلى عنيزة ::: عنيزة إلى البدائع::: البدائع إلى الرس::: عنيزة إلى المذنب ..الخ
مالسر في ذلك ؟؟
أسأل الله العلي القدير أن يعجل بحل مشكلات هالطريق ..آمين

[الغاليه]

كلام سليم واتمنى يشوفون لنا حل بااسرع وقت لان فيه نااس تروح تدرس هناك وايضا فيه موظفين يترددون بين المحافظتين الله يستر عليهم..

[كعبول]

السلام عليكم .
الله يعين بس ويكفينا شر الحوادث .

كعبــــــــــــــــــــــــــــول

[الغاط]

طريق الغاط الزلفي يخدم شريحة كبيرة من هاتين المحافظتين ، سواء طلاب او موظفين او تبادل تجاري او زيارات عائلية .

سمعت قبل تكثر من سنتين ان الامير سلمان بن عبدالعزيز عندما زار محافظة الزلفي وطرح عليه مشاكل الطريق امر وزير النقل الصريصري بسرعة توسعة الطريق حيث بدء من جهة الزلفي وتوقف العمل ..... السبب ؟؟؟؟

لماذا هذا التقصير من المسؤلين من قبل المحافظتين ؟؟؟

[E L A F]

الله يكتب اللي فيه الخير :) ,,

وزي ماقال اخوي [المتفال] لازم تكون الاهالي يد وحدة ..

ربي يحفظنا من كل شر :)

[البغدادي]

أشكرك اخوي النادر
طريق الزلفي مايحل مشكلته إلا الامير سلمان
لأنه الحاكم الإداري للمنطقه

ويجب ان نستغل هذه الفرصه عند زيارته
الميمونه لمحافظة الغاط نهاية شهر شوال

لكن نريد من المخلصين توصيل هذه الرساله لسموه

[أبوريماس]

طريق الغاط الزلفي أكبر مصيبة وخطر كبير لسالكي الطريق

[ام المساكين]

أشكرك أخي الغالي على إثارة هذا الموضوع الحساس والهام جداً
لأن طريق الغاط الزلفي يخدم الكثير من أبناء المحافظتين
من طلاب وطالبات وموظفين ومواطنين عاديين والذي ذهب فيه من الأنفس مالايعلمه الااللـــه أسأل اللــه لهم الرحمة والمغفرة.
نداء خاص وعاجل لمن يهمه الأمر بأصلاح وتوسعة هذا الخط وجعله مزدوج الأهميته وكثرة الحوادث فيه.
أسأل اللـــــــــــه العظيم رب العرش الكريم أن يجنبنا وإخواننا المسلمين شر الحوادث.
:n8bar::n8bar::n8bar:

[الـــنـــادر]

هلا والله فيكم
والله يالبغدادي
فكرتك حلوه وكنت مفكر فيها
بس المشكله من يوصلها له اذا جا
نبي حل ياناس

تحياتي..

[حلا الغاط]

صحيح والله يخوف هالطريق وكل مارحنا معه اني احمد ربي اذا رجعنا سالمين

واعتقد ماراح يتصلح لانه يخدم منطقتين وكل منطقه تقول مالي دخل وحنا الضحية

على العموم الامير سلمان بيزور الغاط ان شالله فلا تقصرون سوو اللازم وناقشوه عن هالموضوع ياهل الغاط

[% مطفوقـه %]

كلامك صحيح
الطريق هذا يخووف وخاصة بالليل مافيه اناره ولاشي
وفيه لفات كثيره
لازم يشوفون له حل
خاصةً ان كثير من بنات الغاط يروحون لكلية الزلفي
ومن اللي اسمعه منهم انهم كم مره بغوا يروحون فيها بس ربي ستر

[مشعل الصعب]

الصراحه الموضوع مهم بالحيل

هذا الشارع المفترض انه من زمان يصلح ويعمل فيه لكن لا حياة لمن تنادي

انا متاكد 100%100 ان وضع الشارع ما يخفى على اهل كلا البلدتين وحتى المسؤولين فيها

طيب ليش الصمت وعدم وجود اي نيه لأي إصلاح لهذا الشارع المتهالك

فيه تقاعس غير طبيعي

الغريب وين الميزانيه اللي تصرف لتطوير كل بلد ؟؟؟

هل هناك ميزانيه لتطوير الغاط ؟ وكم هي !!!

هل هناك خطط لتطوير الغاط ؟؟

هل هناك عمل جاد ؟؟؟

ولا الدعوى فيها إن

تحياتي
مشعل الصعب

[احمد النزيان]

الواجب علا بلدية الغاط تقوم في توسعة الطريق حتي حدود مليح والباقي علي بلدية الزلفي علمان انا بلدية الزلفي تقوم في التوسعه بين حين واخر والله الموفق