قصيده فى اصل قبيلة الدواسر

[ابو سرور]

الله يسلمكم بس حبيت اسلم عليكم



التغلبي والزايدي منبـع الكـرم
دواسرٍ يشكي العدو من جورها
نملك مداين بالسيـوف القطّـع
صوارمٍ روس الجماجم نقورها
يرسخ بنا غرسٍ تمايل عذوقـه
ولابنينا مـن وراهـا سورهـا
السور حد السيف والخيل والقنا
وذيدانا ترعى بعالـي قفورهـا
حن درعها الضافي وحنا جمالها
حتى غدت جنه تبارى نهورهـا
الغوينمي قد قالها فـي مثايلـه
دارٍ تلقت من سعدها سرورهـا
بدويـه حضـريـه شـاويـه
فيها المعاوش من جميع جذورها
حناسكانهـا ويانعـم السـكـن
نحمي جوانبها ونجني ثمورهـا
بلادنـا راياتـهـا مرفـوعـه
نوضي لياليها بنـور بدورهـا
يامانحينـا دونهـا مـن سربـه
لاقادهـا خيالهـا مصطورهـا
نسقيه من حوض المنايا جرعه
بشلـفٍ يوردحدهـا ممروهـا






الشاعر /شــلعان بن ظافر الودعاني الدوسري
__________________

[القرم]

التغلبي والزايدي منبـع الكـرم
دواسرٍ يشكي العدو من جورها



صح لسانك0


كفو ياولد زايد على ذا القصيده ولايهونون الاعضاء000

[الخيال]

يعطيك العافية اخي ابوسرور

حناسكانهـا ويانعـم السـكـن نحمي جوانبها ونجني ثمورهـا

[ابو سرور]

الشكر لك عزيزي القرم على المرور الكريم الذي نورت الموضوع به
اخوي الخيال :
حناسكانهـا ويانعـم السـكـن نحمي جوانبها ونجني ثمورهـا
انا اشهد انك ذيب
هذا البيت اللي ان اقصده من القصيده
شكرا لك على المرور الكريم