ارجوكم ساعدونا

[moOn]

السلام عليكم اخواني واخواتي مبروك عليكم الشهر ولو انها متاخره
انا بدخل بالموضوع على طول بدون مقدمات
احنا يابنات الغاط _وخاصه بنات الكليه_ موفر لنا النقل ونشكر ادراة التربيه والتعليم على هالجهود وجزاهم الله عنا كل خيراما المشكله اللي نعاني منها انه مثل اليوم واللي هو طبعا دوام الكليه موفر لنا باص يحوي 30 كرسي ومجموع الطالبات اللي داوموا اليوم 36 طالبه غير اللي مادامو يعني احنا احصينا اللي ماداوموا عشره يعني كيف يستوعب باص 30 راكب بـ41طالبه
ولما كلمنا السواق قلنا نبي باص السنه اللي فاتت قال هذا اللي مصروف
لكم على اي اساس يصرفون باص مايستوعب الا عدد قليل
ارجوكم ساعدونا..............

[السا@ر]

مشكوره اختي على الموضوع هذا غلط ادارة التربيه والتعليم في الغاط وارجو من مدير الدارة التربيه والتعليم في الغاط انظر في هذا الموضوع وان يحله باسرع وقت ممكن واتمنى لكم التوفيق

اخوكم / الســـــــــــا@ر

[ما تهـاب]

مووووون الله يفرج لكم حبياباتي.. احنا كنا كمان نوقف أكثر من نص ساعة حتى يشغر لنا كرسي .. وبعده بخمس دقايق ننزل للبيت..
جربت هالمشكلة الله يفرج لك عزيزتي وكل بنات الكوليج

[الغاط]

وفق الله القائمين على توفير النقل لطالبات الكلية ،،،،

ولكن هل اخذوا بعين الاعتبار عدد الطالبات المتخرجات من المرحلة الثانوية والمتوقع قبولهن في الكليات ؟؟
من الافضل توفير باص( 50) راكب لكي يستوعب العدد المطلوب .
على اولياء الامور الرفع لإدارة العليم بالعدد الفعلي للطالبا.

[ابن الغاط]

انشالله تنحل مشكلتكم والله يكون في عونكم

[عبدالكريم بن عبدالله الجبرين]

ليه تشكي الضيق يابنت البلد........حافـلـتكم كـان ضاقت يابنات

أرفـعـوا موضوعكم لبوفـهـد.......وأبشروا بالخير والعلـم الثبات

قـلـتها لـك بس لايدري أحد.......عادة أهل الخيريعطون بسكات

[صـــ{القلب}ـــافي]

نشكي الضيق من باص البلد ....صغير وضيق ومايكفي البنات
وخلنا نحكي ونعلم كل احد ......ومانكتم في القلب لين الممات
والعون من الله الفرد الصمد ...الواحد العالم بحال كل البنات

[TAYYAR]

السلام عليكم ورحمة الله وبركاته:
مرحبا بالجميع واهلاً وسهلاً بالاخت moOn مشكلتكم تبي تنحل انشاء الله باسرع وقت.
بس بالنسبه لطالبات المجمعه ال41 المنقولات لا يركبن حافله واحده حيث تم التعاقد مع حافلتين لنقل طالبات الغاط والعبدليه والمساعديه إلى المجمعه حيث سعة الحافليتين 60 مقعد وعدد الطالبات تقريبا 52 طالبه وايضا هناك اربع حافلات لنقل طالبات المحافظه ومركز مليح إلى الزلفي ويمكنكم الرجوع للإعلان الموضح بقسم أخبار الغاط.
والله يعطيكم العافيه واهم شي مصلحة الغاط واهله.
وشـــــــــــــــــــــــكراً ودمتم بخير....

[مضيع الطاسه]

انا درست السبت وغبت الاحد ...كله بسبت باص ذيك البنات
ودرست الاثنين وشفت النكد.....ماقدرت اجلس ولاحتى الثبات
وكل حي راح ومصيره لحد.... نسال الله ان يرزقنا الثبات

[كوفي عنان]

شركة الملحم ملتزمة بعقد مع إدارة التعليم بمقعد لكل طالبه ماعليكم الا تقديم شكوى بأسم جميع الطالبات لمدير التعليم الأستاذ /احمد الطيار وتشوفون وش بيسوي أبو فهد الجميع يشهد بحرصه وحبه لعمله .الله يوفقه ويديمه لتعليم الغاط
:8888:

[moOn]

مشكورين اخواني على مشاركتكم
والحمد لله الاداره حلتلنا المشكله بس والله حلهم يقهر قالوا للبنات اللي بيوتهم قريبه من مدرسة مجمع المتوسطه والثانويه انهم يركبون مع باص بنات مليح هم كذا ماحلوها بالعكس عقدوها اكثر ولا انتوا شرايكم؟؟؟
http://www.**********-********.com/ :)

[صحراء نجد]

أبشري يابنت البلد بالوعد لا جاكم الباص الكبيريكفي كل البنات

تركبونه و يروح عنكم كل نكد والباص الصغير نعطيه الخادمات

أنتم تستاهلون كل خير يابنات البلد والخير الوفير ياصل لكم بالخافيات

[أبو عمر]

السلام عليكم
انا اتكلم بأسم ادارة التعليم حيث اني تابعة اعلانات إدارة التعليم عن النقل
1- ادارة التعليم اعلنت عن بدا تسجيل الطالبات المتمتعات بالنقل وانهن يجب عليهن التسجيل في المكتب النسائي وسجلت رقم هاتف المكتب وللمعلوميه انا راجعت المسئول وقال لي بالحرف الواحد اكثر الطالبات لم يسجلن اسمائهن ولم نعرف ان هناك هذا الكم الهائل لطالبات كلية المجمعة الى بعد اول يوم دراسي عندما اتصل علينا السائق وقال ركب معي اكثر من ثلا ثين طالبة معضمهن لم يسجلو اسمائهن فكيف للادارة ان تعرف عدد الطالبات وهن السبب بعدم تسجيلهن قال لي ان الذين سجلوا للذهاب لكلية المجمعة عشر طالبات فقط .
2- ادارة التعليم اعلنت عن اسماء السائقين وارقام هواتفهم ووجهتهم بعد .
3- في العام الماضي كثرت الشكاوى عن الباص الكبير وان اخر طالبه تجلس فيه لما بعد صلاة العصر لكثرة الطالبات وضيق الشوارع فالسائق يقف في اول الشارع لتنزل الطالبه وهي في اخر الشارع وذلك بسبب ان الباص كبير ولا يمكن قيادته في الحواري وانا شخصيا رايت طالبه تنزل عند الدوار وبيتها قرب بيت ابو سعود سعد السديري المحافظ سابقاً هل هذا يعقل
اختي موون انتي من طالبات الزلفي او المجمعة
المجمعة باصين ستين راكب والزلفي باصين ونصف خمسة وسبعون راكب حي الملك فهد ثلاثون راكب والحي القديم ثلاثون راكب والسدرى وجزء من الحي القديم المجاور لمجمع البنات
لذا اتوقع ان الإدارة لم تقصر مع العلم بانها ليست مسئوله عنكن فهي مسئولة عن البنات حتى الصف الثالث الثانوي فقطططططط

المهم اليكم هذا الرابط الذي قام بالأعلاع عنه اخي توفو
http://www.alghat.com/t15436.html (http://www.alghat.com/t15436.html)

تقبلو تقديري واحترامي

[moOn]

لم يسجلن اسمائهن ولم نعرف ان هناك هذا الكم الهائل لطالبات كلية المجمعة الى بعد اول يوم دراسي عندما
البنات ماكان عندهم خبر انهم يسجلوا اسمائهم عند الاشرافانا مااقصد المستجدات
وانا شخصيا رايت طالبه تنزل عند الدوار وبيتها قرب بيت ابو سعود سعد السديري المحافظ سابقاً هل هذا يعقل
اولا ياخوي ابو عمر البنت اللي شفتها نازله هي اللي كانت طالبه من السائق انه ينزلها بهذا المكان لانها مو فاضيه تنتظر لما يجي بيتهم لأنها على كلامها بتتاخر
وكثير بنات يطلبون من السائق ينزلهم في مكان قبل بيتهم علشان مايتاخروا


اختي موون انتي من طالبات الزلفي او المجمعة
ليه تسال يعني سؤالك بيقدم او ياخره على العموم المجمعه والزلفي يعانون من نفس المشكله
ليست مسئوله عنكن فهي مسئولة عن البنات حتى الصف الثالث الثانوي فقطططططط
كيف مو مسئوله عننا ليه اجل تتكفل فينا وتوفرلنا باصات ماتكفي بنات الديره كان تركتنا على نظامنا الاول اريح لنا واريح لها من صدعة الراس
ــــــــــــــــــــــــــــــــــــــــــــــــــــــــــــ ــــــــــــــــــــ وياليت يلاقوا لنا حــــــــــــــــــــل ترى ملينـــــــــــــا

[أبو عمر]

السلام عليكم
اختي موون
اليك الحل
http://www.alghat.com/t16322.html (http://www.alghat.com/t16322.html)

وهذا جهد من ادارة التعليم تشكر عليه
والي ما يصلح له يرجع للنطام القديم ويدفع يقول المثل ((ما نفعك مثل جييك))
بدون تشرط ولا شروط ولا زحمه ولا ضيقة صدر ولا تعهدات ولا ملل ولا وجع راس

[moOn]

هلا اخوي ابو عمر
مشكور ع الرد وعندنا مشكله امس جو لمنا منسوبات الكليه وعطونا تعهدات وفيه شروط ومن ضمن هالشروط ان ما نجيب جوال طيب اليوم صارت لنا مشكله وهو انه تعطل الباص علينا في نص الطريق والمشكله انه السواق كمان مامعه جوال باللله فالحاله ذي شالحل اذا هم منعوا الجوال مننا.....؟؟؟؟؟؟؟؟؟؟

[القهوة]

بسم الله الرحمن الرحيم
بالنسبه للجوالات فمسموح لجميع الطالبات في جميع الكليات بالمملكه باستخدامها خارج القاعات بشرط عدم احتوائها على كاميرا وفيما يخص النقل فعلى أولياء الأمور مراجعة إدارة التعليم بالغاط وتنحل المشكله وإذا لم يجدوا لها حل يرسل برقيه موقعه من اولياء امور الطالبات للمرجع الأول لإدارة التعليم وهي الوزاره بالرياض [ وفوق كل ذي علمٍ عليم ] ودمتم بألف خير .

[مشعل الصعب]

فعلى أولياء الأمور مراجعة إدارة التعليم بالغاط وتنحل المشكله وإذا لم يجدوا لها حل يرسل برقيه موقعه من اولياء امور الطالبات للمرجع الأول لإدارة التعليم وهي الوزاره بالرياض [ وفوق كل ذي علمٍ عليم ] ودمتم بألف خير

.... احسنت اخوي القهوه
و المفروض من اول ارفعوا خطاااب بأكثر من خمس طالبات وان حصل كلكم فهذا ممتاز
وان ما حصل تجاوب ولا حل على طول برقيات موقعه من اولياء الامور ارسلوها لوزارة التعليم بالرياض
واهم شي الجوال هذا مهم جداً
الله يكون بعونكم

مشعل الصعب
http://www.m5zn.com/uploads/420414f257.JPG

[moOn]

مشكورين اخواني ع الرد
طيب اللحين انتوا تقولون خلوا اولياء الامور يرفعوا برقيات للاداره وهم الاداره بنفسها مناديه اولياء الامور ومخليتهم يوقعون على تعهد بعدم إتيان الطالبات باجهزة جوال ...
فهموني كيييييييييييييييييييييييف؟؟؟؟؟؟؟؟