المسلسل المكسيكي ( سبيوخيتا وصديقها استراخان )

[مجرد صديق]

مسلسل مكسيكي بالهجه النجديه
المسلسل المكسيكي "لماذا ياحبيبي لماذا" بدبلجه
سعوديه
تررررررررن
تررررررررن ..صوت الجرس يرن
والده سبيوخيتا : سبيوختا اقحصي وافتحي الباب
يابنيتي
سبيوخيتا :حسنا حسنا ياامي اصبري شوي البس نعالي
من الطارق: فتحت الباب .استراخان وش عندك جاي
وش تبي
فيني.
هوه موب من حقي اسلم على حبيبة قلبي سبيوخيتا
ولا ماتبيني
اسلم
سبيوخيتا(طرااااااااخ كف على وجهه) جاي تسلم علي
بعد
ماشفتك مع ذيك المغفله ضف وجهك ولاعاد تقبل
علينا
طلع استراخان وهو حزين ومتنكد وهو في الطريق
سوى حادث
والسبه سبيوخيتا
وبعد برهه..ترررررررن تررررررررررررن صوت
التلفون يشبه
صوت الجرس
الخادمه:منزل رابين كارلوس من معي؟؟
الو انا الدكتور اوكيستو هل لي ان اتحدث من
سبيوخيتا ؟
سبيوخيتا :الو من انت وش عندك بعد
اوكيستو:انا الدكتور اوكيستو وبصراحه مدري وش
اقولك بس
استراخان تعرض لحادث مروري وهاهو الحين عندنا
مرقّد
بالمستشفى
آآآآآآآآه ياإلهي هل انت محق فيما تقول .....ذبت
السماعه
واغما عليها
والدتها:ااااااااااااااااااااه الحقوووووني
ماذا دهاك
يابنتي ......؟؟؟؟؟؟ اخضروا الماء والعطر
سبيوخيتا :امي هيا بنا الى المستشفى لقد سوى
استراان حادثا
وهو في حاله خطيره
الام:حسنا حسنا طيب هيا بنا لنخرج بس دقيقه
بغير هدومي
سبيوخيتا:حتى انا بغير هدومي بس يالله بسرعه
وفي المستشفى:
عند الرسبشن(الاستقبال)
سبيوخيتا :من فضلك اود غرفه استراخان ماكسيما
الرسبشن:روحي لاخر غرفه في السيب
حسنا شكرا لك..هيا يامي انجزي بسرعه
وعند باب الغرفه: يمه اخاف ادخل عليه القاه
مكسر
امشي بس يابنيتي سمي ولا عليتس ان شالله
والمفاجأه الكبرى عندما دخلت..........وجدت
عشيقته
لورانسا بجانبه
:بعد بعد هذا اللي ناقص وصلت فيك
المواصيل انك
تناديها عندك ولا وين بالمستشفى بعد الشرهه
ميب عليك ولا
عليها الشرهه على المتخلفه اللي تعبت نفسها
عشان تزورك
استراخان:لورانسا هيا اخرجي انا لا اوحيبكي
سبيوخيتا حبي
الوحيد هيا اخرجي
لورانسا:حسنا سأخرج ولكن سأوريك شغل الله
مضبوط بس اصبر
علي انت وذا الحقيره هه<معصبه وطلعت
استراخان:تعالي بقربي حبيبتي تعالي هيا
قربت سبيوخيتا وعيونها تصبصب دموع قام استراخان
ومسحها لها
وقال لاداعي لها ابتسمي
سبيوخيتا:استراخان لماذا دعوتها عندك
بالمشفى؟؟؟؟ ألست انا
من احببت اذن اتركها تكفى ودعنا نتزوج
استراخان:تامرين امر اصلا مدري وش جابها عندي(ابوك
يالترقيع) خلاص ياروحي بكره بطلع من المستشفى
ونتزوج
اوكي؟
اوكي حبيبي قربت راسها لمه وشوي شوي قربوا
وبعدين فاصل
اعلاني مع ملاحظه قطع المشهد الاخير
===================================
=
اعلانااااااااااااااااااااات
نتابع معكم
المسلسل المكسيكي المدبلج(لماذا ياحبيبي
لماذا)
===================================
=
جا بكره ورجعوا للبيت وطق استراخان عليهم
الباب ودخل
وكلم الام
عمه انا جاي اخطب بنتك سبيوخيتا وابيها على شرع
الله
ياوليدي هذي والله الساعه المباركه بس خلني
اشاورها ..هاه
يا سبيوخيتا يابنيتي نقول مبروك
حمرّت خدود سبيوخيتا وقالت اللي تشوفينه يمه
وقامت
امها طيب قبل ماتروحين خذي رقم الطقاقات من
جارتنا
اليفتيا عشان نسوي عرس وطقطقه وننبسط
ولاتنسين تتصلين
على الصبابات بعد
استراخان:اخيرا ياروحي تزوجنا ماني مصدق
سبيوخيتا:الله ياستراخان هذا اسعد يوم في حياتي
استراخان:طيب ياحوبي وش بنسمي ولدنا؟
طبعا بسميه رابين على اسم ابوي<سبيوخيتا اللي
تتكلم
استراخان:اجل بيسموني ابو رابين الله وناسه
سبيوخيتا:طيب حبيبي وين بنسافر شهر العسل له؟؟
والله انا ودي اسافر للرياض بالسعوديه يقولون
جوها فـــلــهـ
ازين من غيرها انها منتجع سياحي هاه وش قلتي
نحجز من
الحين؟
اللي تشوفه ياروحي وين ماتروح خذني معك
وفي المطار.......
تعلن الخطوط ..................
المكسيكيه عن انطلاق رحلتها رقم 656والمتوجهه
الى مدينه الرياض عن اقلاعها بعد عشر دقائق
فعلى
المسافرين التوجه لركوب الطائره وشكرا
سبيوخيتا : يالله يامي نشوفك على خير ان شالله اول
مااوصل
ادق عليك لايضيق صدرك امووووووووه بااي
استراخان:يالله ياعمه توصينا بشي نشوفتس على
خير ياوجه
الخير
الوالده:هاه عاد ياوليدي يااستراخان مااوصيك
على سبيوخيتا
ترا ماعندي غيرها حطها بعيونك ويالله توصلون
بالسلامه
استراخان:سبيوخيتا بعيوني ياعمه مع السلامه
مشت سبيوخيتا للطياره ولا حظوا انها لابسه
تنوره فوق
ركبتها وبلوزه مزلطه ولاجابت معها عبايه في
بالها انها
مسافره لامريكا مثلا
يوم وصلوا لمطار الملك خالد نزلت سبيوخيتا على
نياتها
وطلعوا من المطار وراحوا يتمشون طبعا اول
مانزلوا من
التكسي جت الهيئه ومسكت سبيوخيتا على هاللبس
اللي لابستها
وقطوها بالسجن(مزدين فيها)
استراخان يصيح لااااااااااااااااا سبيوخيتا
وسبيوخيتا
لاااااااااااا استراخان .استراخان المسكين
قاعد يتكلم مع
اللي بالسجن شوي ويحب رجله وذاك يقوله ضف وجهك
انا
مااعرف انقليزي عشان اعرف مكسيكي توكل على
الله
مل استراخان من كثر مايحاول يطلعها ومع الاسف
مافيه
فايده رجع لديرته الوصخ وراح وتزوج لورانسا
حتى مادرت
امها انه رجع والاميمه مسيكينه ماتدري عن شي
والمسكينه سبيوخيتا خاست سنه بالسجن وبعدها
طلعها واحد على
كفالته وسفرها لديرتها بعد ماراحت لامها
وقالت لها
السالفه راحت لاستراخان ولقته متزوج من
لورانسا النذل
قامت من العصبيه ثورت فيه وفي لورانسا وفي
الاخير ثورت في
نفسها
وبكذا خلص المسلسل لكن الحلقه الاخيره منعتها
الرقابه
وآسف علي الاطاله

[MaRuKo]

لا عادي اخوي
لو يخلونك تألف مسلسل
وعلى هالحوار أعتقد بيضيفون لجوائز الاوسكار
((( جائزة افضل مسلسل - وجائزة أفضل مؤلف مسلسلات)))
وانت اللي بتاخذهم
بس جد فضيييييييييييييييييييييييييييييييع المسلسل
ونبغى أجزاء

[مجرد صديق]

.
.
.
.
.
.
سبنوخه / ابشري بالاجزاء والتأليف الي يحبه قلبك

.
.
سبنوخه الموضوع مو حلو الحلو ذوقك والف وميتين وخمسطعش شكر لك على الزياره الحلوه
.
اما بالنسبه للأجزاء فبإذن الله راح تشوفونها بأقرب وقت
.
.
والسلام عليكم ورحمه الله