ابوعثمان
الثلاثاء 06-02-1427 هـ, 11:14 مساءً
السلام عليكم...
هذي قصه واحد مع شركه الاتصالات حبيت انقلها لكم..........
"عزيزي العميل أنت على وشك استهلاك الحد الإئتماني المحدد لك"
عبارة مملة جدااااا حفظتها عن ظهر قلب والله لايوريكم اياها قولوا آمين...
بصراحة هالعبارة معقدتني نفسيا ومعكرة صفوي .
لكن أكثر ماأزعجني منها ماحصل لي قبل أيام وبسبب هالعبارة قلت يانا ياشركة الاتصالات.
السالفة هذا في يوم من الأيام حزة العصر وبينما أنا جالس ومبسوط وقاعد أشرب الشاي وأغني
تقول عصفور يغرد فوق الطعس المهم قطع هالجو الشاعري صوت نغمة رسايل الجوال
طوطط طوطط وانا أفتح الرسالة في البداية استبشرت خيرا قلت من هاللي متذكرني هالحزة
وأطالع والا هي رسالة تقول"عزيزي العميل أنت على وشك استهلاك حدك الإئتماني المحدد لك"
يومن ضاق صدري وأنا أصك اللي قدامي ببيالة الشاي تعبيرا عن غضبي.
حسبي الله عليكم ياشركة الاتصالات بالله هذي رسايل قلت:بالطقاق اللي يطقهم وأخليها
ويوم جا اليوم اللي بعده وهم اللي يرسلون لي وأنا اطنش برضو وهم يقعدون على هالحالة كم يوم
وأنا مطنششششش لهم فاضي بعد ماباقي إلا أكد عليهم.
المهم وهم اللي يفصلون الجوال وأنا اللي أدق على 902 ورد علي الموظف قلت:ياخي ليش تفصلون الجوال
على كيفكم قال:خلاص بنفتحه لك والحمدلله وهم اللي يفتحونه شكلهم خافوا مني.
ومادريت لكم إلا بعد يومين وهو اللي يفصل ثاني قلت:أوريك والله لاأدق عليهم أهزئهم وأدق ويرد
علي الموظف قلت ياخي انتم ماتفهمون ليش تقطعون الجوال ماني محذركم المرة اللي قبل يالله افتحوه
قال:مايصير أنت طلبت إعادة قبل وخلاص لازم تسدد , وأنا أفتح فمي بمايقارب سبعة أمتار
قلت واللي يقولك ماهو مسدد قال:بكيفك بنقطعه.
يوم شفت الرجال صامل وانا اسكت شوي قلت:من معي قال:عبدالرحمن قلت:ماشاءالله مثل اسمي
قال:اي خدمة ثانية أخوي قلت:اقول أخوي :الملحم مستلم اليوم قال:شكرا على اتصالك بالجوال.
بيني وبينكم هو من يوم سمعني أقول الملحم مستلم غسل يده.
وبعد فترة من هالكلام جتني رسالة تقول:سدد قلت:إي هين اسددوكل مرة وهم على هالحالة
لين طفششششوا وهو اللي يدق علي الملحم براسه وقال: ياخي مايصير كذا أنت لازم تسدد ياخي هذا
حلال يتامى <<< تكفى ياللي اقتصاد الشركة متوقف عليه.
قلت طيب باسدد لكم وأسدد وأنا مالي خلق<<< صراحة رحمتهم.
والله حاللللللللللة مايصير كذا لازم شركة الاتصالات تغير من أسلوبها عشان ترغب الناس بالتسديد
أنا بصراحة أقدر أسدد بس لعانة فيهم ماني مسدد والا الفلوس ياربي لك الحمد ماهمتني
ياحلالاه بس لوعندي شركة اتصالات والله لاخلي العالم تسدد وهي تضحك والله لاأبدع إبداع
الصراحة عندي شوية طرق باقولها لكم.
مثلا / في اليوم اللي بارسل للعميل عشان اعلمه انه قرب يستهلك الحد الإئتماني أبدا كذا
في صبيحة هذا اليوم ارسله رسالة كذا "صباح الخير حبيبي العميل,يازينهم ياناس اللي توهم صاحين
من النوم,يالله قوم تنشط وخل عنك الكسل,وطبعا كم بيت غزلي"
بكذا نضمن إن العميل بيصحى رايق ومبسوط وماراح يتفاجأ بأي شي بعدها.
عصر هاليوم نرسله رسالة كذا"هاه كيف النوم اليوم وكيف النشاط؟,بصراحة عندي موضوع ومستحي
اقوله بس لازم أقوله يعني صراحة شلون بصراحة أنت أكيد بدون ماتدري وماتنبهت إنك على وشك
استهلاك حدك الإئتماني المحدد لك"
طبعا العميل من يوم يقرا هالكلام بيصيبه شوية حرج.
بالليل عاد رسالة كذا"تصبح على خير ياقلبي,نوم العوافي يارب,اشرب الحليب وتغطى كويس"
<<< اقول ورا مايبوسه احسن.
من بكرة العصر رسالة كذا"أنا عارف وربي إني غثيث مرررة واشغلتك بس وش أسوي تكفى
إعذرني وربي ماودي بس غصبن علي أكيد أنت الحين جالس مبسوط وقاعد تاكل كليجا وتشرب
بيبسي وتتفرج على إفتح ياسمسم وناسي إنك على وشك استهلاك حدك الإئتماني المحدد لك"
هنا العميل ماله عذر أبدا وبيكون أكثر إحراجا.
عند صدور الفاتورة الوضع كالتالي:
إرسال رسالة بعد الظهر عقب الواحد مايكون شبعان ومريح على الآخر كذا "طلبتك قل:جاك"
طبعا افلقوني اذا أحد رد إلا أنا طبعا.
بعد المغرب رسالة كذا"ياقلبو ياناس يازينهم بس حبيبي قلبي أنت,ترا صدرت لك فاتورة
عارف انك مطفر هاليومين بس على مهلك لا تضيق صدرك متى ماتوفر معك سدد" .
واذا عاد سدد إرسال رسالة فيها كم بيت شعر مدح وذكر صفات ومحاسن العميل وذكر مآثر
أجداده وانهم كانوا أهل كرم وجود وطيب.
وإذا مانفع مع العميل كل هالرسايل هذا ماله طب بصراحة مالنا إلا نرسل رسالة كذا
" صدق إنك ماتنعطى وجه أنت رجالن بتسدد والا شلون!!!!!؟؟؟؟؟؟؟"
ونرسلها له طول اليوم على مدار الساعة.
ويستحسن نكثر منها في الليل يعني كل ربع ساعة مثلا.
وهكذا أعزائي نضمن نجاح الشركة 100% وبجدارة أيضا.
تحياتي
وعسى ما طولت عليكم
هذي قصه واحد مع شركه الاتصالات حبيت انقلها لكم..........
"عزيزي العميل أنت على وشك استهلاك الحد الإئتماني المحدد لك"
عبارة مملة جدااااا حفظتها عن ظهر قلب والله لايوريكم اياها قولوا آمين...
بصراحة هالعبارة معقدتني نفسيا ومعكرة صفوي .
لكن أكثر ماأزعجني منها ماحصل لي قبل أيام وبسبب هالعبارة قلت يانا ياشركة الاتصالات.
السالفة هذا في يوم من الأيام حزة العصر وبينما أنا جالس ومبسوط وقاعد أشرب الشاي وأغني
تقول عصفور يغرد فوق الطعس المهم قطع هالجو الشاعري صوت نغمة رسايل الجوال
طوطط طوطط وانا أفتح الرسالة في البداية استبشرت خيرا قلت من هاللي متذكرني هالحزة
وأطالع والا هي رسالة تقول"عزيزي العميل أنت على وشك استهلاك حدك الإئتماني المحدد لك"
يومن ضاق صدري وأنا أصك اللي قدامي ببيالة الشاي تعبيرا عن غضبي.
حسبي الله عليكم ياشركة الاتصالات بالله هذي رسايل قلت:بالطقاق اللي يطقهم وأخليها
ويوم جا اليوم اللي بعده وهم اللي يرسلون لي وأنا اطنش برضو وهم يقعدون على هالحالة كم يوم
وأنا مطنششششش لهم فاضي بعد ماباقي إلا أكد عليهم.
المهم وهم اللي يفصلون الجوال وأنا اللي أدق على 902 ورد علي الموظف قلت:ياخي ليش تفصلون الجوال
على كيفكم قال:خلاص بنفتحه لك والحمدلله وهم اللي يفتحونه شكلهم خافوا مني.
ومادريت لكم إلا بعد يومين وهو اللي يفصل ثاني قلت:أوريك والله لاأدق عليهم أهزئهم وأدق ويرد
علي الموظف قلت ياخي انتم ماتفهمون ليش تقطعون الجوال ماني محذركم المرة اللي قبل يالله افتحوه
قال:مايصير أنت طلبت إعادة قبل وخلاص لازم تسدد , وأنا أفتح فمي بمايقارب سبعة أمتار
قلت واللي يقولك ماهو مسدد قال:بكيفك بنقطعه.
يوم شفت الرجال صامل وانا اسكت شوي قلت:من معي قال:عبدالرحمن قلت:ماشاءالله مثل اسمي
قال:اي خدمة ثانية أخوي قلت:اقول أخوي :الملحم مستلم اليوم قال:شكرا على اتصالك بالجوال.
بيني وبينكم هو من يوم سمعني أقول الملحم مستلم غسل يده.
وبعد فترة من هالكلام جتني رسالة تقول:سدد قلت:إي هين اسددوكل مرة وهم على هالحالة
لين طفششششوا وهو اللي يدق علي الملحم براسه وقال: ياخي مايصير كذا أنت لازم تسدد ياخي هذا
حلال يتامى <<< تكفى ياللي اقتصاد الشركة متوقف عليه.
قلت طيب باسدد لكم وأسدد وأنا مالي خلق<<< صراحة رحمتهم.
والله حاللللللللللة مايصير كذا لازم شركة الاتصالات تغير من أسلوبها عشان ترغب الناس بالتسديد
أنا بصراحة أقدر أسدد بس لعانة فيهم ماني مسدد والا الفلوس ياربي لك الحمد ماهمتني
ياحلالاه بس لوعندي شركة اتصالات والله لاخلي العالم تسدد وهي تضحك والله لاأبدع إبداع
الصراحة عندي شوية طرق باقولها لكم.
مثلا / في اليوم اللي بارسل للعميل عشان اعلمه انه قرب يستهلك الحد الإئتماني أبدا كذا
في صبيحة هذا اليوم ارسله رسالة كذا "صباح الخير حبيبي العميل,يازينهم ياناس اللي توهم صاحين
من النوم,يالله قوم تنشط وخل عنك الكسل,وطبعا كم بيت غزلي"
بكذا نضمن إن العميل بيصحى رايق ومبسوط وماراح يتفاجأ بأي شي بعدها.
عصر هاليوم نرسله رسالة كذا"هاه كيف النوم اليوم وكيف النشاط؟,بصراحة عندي موضوع ومستحي
اقوله بس لازم أقوله يعني صراحة شلون بصراحة أنت أكيد بدون ماتدري وماتنبهت إنك على وشك
استهلاك حدك الإئتماني المحدد لك"
طبعا العميل من يوم يقرا هالكلام بيصيبه شوية حرج.
بالليل عاد رسالة كذا"تصبح على خير ياقلبي,نوم العوافي يارب,اشرب الحليب وتغطى كويس"
<<< اقول ورا مايبوسه احسن.
من بكرة العصر رسالة كذا"أنا عارف وربي إني غثيث مرررة واشغلتك بس وش أسوي تكفى
إعذرني وربي ماودي بس غصبن علي أكيد أنت الحين جالس مبسوط وقاعد تاكل كليجا وتشرب
بيبسي وتتفرج على إفتح ياسمسم وناسي إنك على وشك استهلاك حدك الإئتماني المحدد لك"
هنا العميل ماله عذر أبدا وبيكون أكثر إحراجا.
عند صدور الفاتورة الوضع كالتالي:
إرسال رسالة بعد الظهر عقب الواحد مايكون شبعان ومريح على الآخر كذا "طلبتك قل:جاك"
طبعا افلقوني اذا أحد رد إلا أنا طبعا.
بعد المغرب رسالة كذا"ياقلبو ياناس يازينهم بس حبيبي قلبي أنت,ترا صدرت لك فاتورة
عارف انك مطفر هاليومين بس على مهلك لا تضيق صدرك متى ماتوفر معك سدد" .
واذا عاد سدد إرسال رسالة فيها كم بيت شعر مدح وذكر صفات ومحاسن العميل وذكر مآثر
أجداده وانهم كانوا أهل كرم وجود وطيب.
وإذا مانفع مع العميل كل هالرسايل هذا ماله طب بصراحة مالنا إلا نرسل رسالة كذا
" صدق إنك ماتنعطى وجه أنت رجالن بتسدد والا شلون!!!!!؟؟؟؟؟؟؟"
ونرسلها له طول اليوم على مدار الساعة.
ويستحسن نكثر منها في الليل يعني كل ربع ساعة مثلا.
وهكذا أعزائي نضمن نجاح الشركة 100% وبجدارة أيضا.
تحياتي
وعسى ما طولت عليكم