القلته قلتتنا

[الأمبراطور]

بالله احد يرد علي يقولي القلته تبع الغاط والا لا لأني كل مارحت لمها اقل ناس من خارج المحافظة فيها وبعدين يا ناس طريقها وعر ليش البلدية ما تمهده والا تزفلته لأن مهوب كل واحد معه جيب والا ونيت علشان يروح لمها والا يروح لقراد ما أدري فيه أحد يأيدني والا كلكم معكم جيوب

[عبدالرحمن بن محمد الفوزان]

المشكله انها ليست مسافه طويلة وتحتاج لمبالغ طائلة من اجل سفلتتها 0

القصور من البلدية ممثله برئيسها والا لماذا لا يتم تسكيل لجنه لدراسة امكانية سفلتت طريقها ؟

[القطري]

هو طريق القلته واللي ورى السد بس
ما رحت المقبره الله يرحم اموتنا شف طريقها
لكن لو يزورنا مسئول امير او وزير شفت الشغل والتزيين
لكن اهل البلد ما لهم قيمه
هذا الواقع المأسوف

[الرحمانية]

طيب يمكن يصير زفلتة القلته وقراد تشويه للطبيعة والمناظر البرية

[ابن الغاط]

انا بقولك

شوارع الغاط اكثرها فاشله ولا زينوها من زمان

يعني انس يزفلتون طريق القلته

ومشكوووووور

[القطري]

طيب يمكن يصير زفلتة القلته وقراد تشويه للطبيعة والمناظر البرية
ما نبي زفلته نبي مسح للطريق باستمرار
مو اذا جاء ضيف كبير بدت التحسينات والترتيبات
والا احنا ما نستاهل

[القطري]

طيب يمكن يصير زفلتة القلته وقراد تشويه للطبيعة والمناظر البرية
ما نبغى زفلته بس مسح للطريق باستمرار
مو اذا جانا ضيف بدت المعدات ووووو بالتحسينات
والا احنا ما نستاهل

[عبدالكريم بن عبدالله الجبرين]

شكرا لخوي القطري على طرح هالموضوع , أنا أمس الصبح ـ الجمعة ـ كنت في القلتة وقراد
نفس الجمال والزين وسعة الصدر والهدوء لا وزادت الأشجار وكثرت بس المكان بحاجة لرعاية واهتمام اكثر,
بالنسبة للطريق المفروض يسفلت إلى الحزم الكبير المقابل للسروج , خسارة وادي ديرتنا ولاتستفيد منه المحافظة وأهلها بصورة كاملة.

[القطري]

والله لو تحسكون من اليوم ليوم الدين ما يتغير شي
هذا واقع ديرتنا
الشوارع الرئيسيه جيدين نشجر ونزين ونضرب الارصفه بويات
والداخل يعلم الله

[الأمبراطور]

اشكر جميع من قام بالرد على الموضوع وأتمنى من الجميع المشاركة حتى يكون هناك فائدة وليس كلام في كلام .

[القطري]

اشكر جميع من قام بالرد على الموضوع وأتمنى من الجميع المشاركة حتى يكون هناك فائدة وليس كلام في كلام .


مشكور ويا ليت تعد خطاب توجهه للمحافظ اللي نعرف انه حريص على سمعه الديره وتطورها
خاصه وانه يطلع على كل ما يكتب في الموقع حسب ما سمعنا

[الأمبراطور]

اخوي القطري يعطيك العافية على الرد ما يحتاج خطاب دامك تقول ان المحافظ مطلع على ما يطرح في المنتدى من مواضيع

[القطري]

اخوي القطري يعطيك العافية على الرد ما يحتاج خطاب دامك تقول ان المحافظ مطلع على ما يطرح في المنتدى من مواضيع
نبغى خطاب باسمه نيابه عن الاهالى نشرح له الامور السلبيه اللي في المحافظه
نبين له كل ما تحتاجه الديره
والشي الموجه له افضل واقوى من الكلام العام

[الأمبراطور]

طيب من اللي راح يتبنى هالخطاب صدقني مهوب ها

[الأمبراطور]

اخوي القطري يعطيك العافية على التفاعل
بس من راح يتبنى الخطاب وانا اتوقع انه مهوب الحل المفروض يكون هناك تواصل مع ابوفيصل
عن طريق إرسال إيميلات بالأراء والمقترحات

[القطري]

اخوي القطري يعطيك العافية على التفاعل
بس من راح يتبنى الخطاب وانا اتوقع انه مهوب الحل المفروض يكون هناك تواصل مع ابوفيصل
عن طريق إرسال إيميلات بالأراء والمقترحات
أية ايميلات تقصد

[صقر قريش]

هلا بالجميع
انا معاكم في كل كلامكم .. ولكن
يا ترى هل لصدى صوتنا اي تاثير او اعتبار لدى الجهات المختصه ؟؟؟؟؟؟؟؟؟
والله اتمنى انه يكون فعلنا مثل اقوالنا .. يا اخوان ليه ما تكلم بصوت مسموع شوي .. نرفع خطابات . نكلم مسؤولين مره واثنين وثلاث حتى هم يملو من الكلام ..
وفي بعد الطريق اللي يودي اللغف .. الكثيرين غاضين الطرف عنه وعن حوادثه والمشكله انه الكل يتكلم فيه ..
اقول لمتى راح نبقى على هالحال .. اما آن الوقت انه صوتنا ينسمع صدها في ارجاء البلديه والمرور والجهات المختصه ..
ارجو ان تكون هذه دعوه للجميع ومن خلال هذا المنتدي وبتكليف لجنه تحددها ادارة المنتدى مثلا لعمل زياره رسميه للمحافظه او البلديه وتسليمهم خطاب عن هذه الامور ومتابعة الامر معهم ..
انا والله بودي لو اقدر اروح القلته لكن للاسف ما معي جيب .. ليه يحرمونا من التمتع بمناظر الطبيعه الهاديه في تلك المنطقه .. وخاصه انه الغاط مقبله على مشروع سياحي .
ارجو ان يستحوذ كلامي هذا اهتمام ادارة المنتدى
ودمتم ...

[الأمبراطور]

اخوي صقر قريشيعطيك العافية على التعقيب هذا اللي انا اطالب فيه يكون هناك لجنه او مندوبين من بعض اعضاء المنتدى يقومون بزيارة للمحافظ او رئيس البلدية لتزويدهم بالاراء والمقترحات